Read Time:2 Minute, 11 Second
ސައޫދީ ޕަބްލިކް އިންވެސްޓްމަންޓުން އެހެން ޓީމުތަކަށް އިސްކަންދޭ ކަމަށް ބުނެ، އައް ނަސްރުގެ ކްރިސްޓިއާނޯ ރޮނާލްޑޯ އިހްތިޖާޖު ކުރަމުންދާއިރު އެ ކުލަބުގެ ސަޕޯޓަރުން އޭނާގެ ދިފާއުގައި ނުކުމެއްޖެ އެވެ. ރޮނާލްޑޯ އެންމެ ބޮޑަށް ހިތްހަމަނުޖެހުނީ ވާދަވެރި އަލް ހިލާލުން ކަރީމް ބެންޒެމާ ގަތުމާ ގުޅިގެން، ކުލަބުތަކުގެ މެދުގައި ތަފާތުކުރުންތައް ގެންގުޅޭ ކަމަށް ބުނެ އެވެ. މިކަމާ ގުޅިގެން އޭނާ ވަނީ އެންމެ ފަހުން ކުޅުނު ދެ މެޗުގައި ކުޅެން ދެކޮޅު ހަދާފަ އެވެ.
ތަފާސްހިސާބުތަކުން ދައްކާގޮތުގައި ރޮނާލްޑޯ ގުޅުނު ފަހުން އައް ނަސްރުން 409 މިލިއަން ޑޮލަރު ހޭދަކޮށްފައިވާއިރު، އަލް ހިލާލުން ވަނީ 600 މިލިއަނަށް ވުރެ ގިނަ ޑޮލަރު ހޭދަކޮށްފަ އެވެ. ރޮނާލްޑޯއަށް މީގެ ކުރިން ސަޕޯޓަރުންގެ ފާޑުކިޔުން އަމާޒުވި ނަމަވެސް، މިހާރު އެމީހުން ދަނީ އޭނާއަށް ތަރުހީބުދެމުންނެވެ. ނަމަވެސް، ޓީމު ވަރުގަދަކުރަން އެކަށީގެންވާ އެއްބާރުލުން ނުލިބޭނަމަ މި ސީޒަނަށް ފަހު ރޮނާލްޑޯ ކުލަބު ދޫކޮށްލުމުގެ ފުރުސަތު ބޮޑެވެ. އައް ނަސްރުގެ މެނޭޖްމަންޓުން ބުނަނީ މިވަގުތު ހަރަދު ކުޑަކުރަން ޖެހިފައިވާތީ އިތުރު ކުޅުންތެރިން ގެނެވެން ނެތް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0