Read Time:1 Minute, 46 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރާއްޖޭގެ 15 އަތޮޅެއްގެ 19 ރަށެއްގައި އަލަށް އުފައްދާ ޕަބްލިކް ވޯކްސް ޔުނިޓްތަކާއެކު 500 އެއްހާ ވަޒީފާގެ ފުރުޞަތު ހުޅުވިގެންދާނެ ކަމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވަޒީރު އާދަމް ޝަރީފު ޢުމަރު ވިދާޅުވެއްޖެއެވެ. މި މަޝްރޫޢަކީ ރަށްރަށުގެ އުމްރާނީ ވަސީލަތްތައް ބެލެހެއްޓުމާއި މަރާމާތުކުރުން ހަރުދަނާކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންގުޅުއްވާ ސިޔާސަތުގެ ދަށުން ކުރިއަށްގެންދާ މަސައްކަތެކެވެ. މިއަހަރުގެ އެޕްރީލް ނުވަތަ މޭ މަހުގެ ތެރޭގައި މި ޔުނިޓްތަކަށް ބޭނުންވާ އުޅަނދުތައް ލިބި، މުވައްޒަފުން ނެގުމުގެ މަސައްކަތް ފެށޭނެ ކަމަށް ވަޒީރު ވިދާޅުވިއެވެ. މި ޔުނިޓްތައް ގާއިމުވުމުން ކައުންސިލްތަކާއި ގުޅިގެން ރައްޔިތުންނަށް ބޭނުންވާ މުނިސިޕަލް ޚިދުމަތްތައް ފޯރުކޮށްދިނުމުގައި ބޮޑު ލުޔެއް ލިބިގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0