Read Time:1 Minute, 55 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖޭގެ އެކި ސަރަޙައްދުތަކުގައި ތަރައްޤީކުރާ ރީޖަނަލް އިމަރޖެންސީ އޮޕަރޭޝަން ސެންޓަރުތަކުގައި ކާރިސާތަކުގެ ވަގުތުގައި ބޭނުންވާނެ ސާމާނު ރައްކާކުރާނެ ކަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން ވަނީ ވިދާޅުވެފައެވެ. މިހާރު އައްޑޫ ސިޓީއާއި ލ. އަތޮޅުގައި މިފަދަ ސެންޓަރުތައް އަންނަނީ ތަރައްޤީކުރަމުންނެވެ. މި ސެންޓަރުތަކުގެ ސަބަބުން އަތޮޅުތަކުގައި ދިމާވާ ހާދިސާތަކަށް އިޖާބަދިނުން އަވަސްވެ، ހާލުގައި ޖެހޭ ފަރާތްތަކަށް ބޭނުންވާ އެހީތެރިކަން އަވަހަށް ފޯރުކޮށްދެވޭނެއެވެ. މީގެ އިތުރުން، ކާރިސީ ނޫން ހާލަތްތަކުގައި މި ތަންތަން ބޭނުންކުރާނީ ތަމްރީން ޕްރޮގްރާމްތައް ހިންގުމަށެވެ. އަދި ގދ. ތިނަދޫގައި ވެސް ސެންޓަރެއް އެޅުމަށް ބަޖެޓުކޮށްފައިވާއިރު، ކުރިއަށް އޮތް ދެ އަހަރު ތެރޭގައި ހުރިހާ ރަށަކަށް ފެން ހިންދާ ޕަންޕާއި، ބޭނުންވާ ރަށްރަށަށް އަލިފާން ނިއްވާ ސާމާނު ފޯރުކޮށްދިނުމަށް ވެސް އެންޑީއެމްއޭއިން ވަނީ ނިންމާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
100 %
0
0