Read Time:1 Minute, 54 Second
(ފޮޓޯ ކްރެޑިޓްސް: އެފްއޭއެމް)
ދިވެހި ޕްރިމިއަރ ލީގުގެ ފަހު މެޗުގައި ނިއުރޭޑިއަންޓާ ދެކޮޅަށް ކުޅެން އޮތް މެޗަށް ގްރީން ސްޓްރީޓްސްގެ ކުޅުންތެރިން ހާޒިރުނުވުމުން، އެ ޓީމުން ގަސްތުގައި މެޗު ދޫކޮށްލައި މެޗު ފިކްސްކުރި ކަމަށް ކުރެވޭ ތުހުމަތުތައް އެ ކުލަބުން ދޮގުކޮށްފިއެވެ. މި މެޗު ނުކުޅުމުން ގަވައިދުގެ ދަށުން ނިއުރޭޑިއަންޓް 0-2 އިން މޮޅުވި ކަމަށް ނިންމުމާ އެކު، ފުރަތަމަ ޑިވިޝަނުން ރެލިގޭޓްވި ކްލަބް ވެލެންސިއާ އިން ވަނީ މިއީ ރެލިގޭޝަނުން ސަލާމަތްވުމަށް އޮތް ފުރުސަތު ހަނިކުރުމަށް ކުރި ކަމެއް ކަމަށް ބުނެ އޭއެފްސީ އާއި ފީފާއަށް މައްސަލަ ހުށަހަޅާނެ ކަމަށް ބުނެފައެވެ. ނަމަވެސް ގްރީން އިން ނެރުނު ބަޔާނެއްގައި ބުނީ ކުޅިވަރުގެ ރޫހާ ހިލާފު އެއްވެސް ކަމެއް ކޮށްފައި ނުވާނެ ކަމަށާއި، މިފަދަ ތުހުމަތުތައް ކުރުން ހުއްޓާލުމަށް ގޮވާލާ ކަމަށެވެ. މި މައްސަލަ އެފްއޭއެމްގެ ޑިސިޕްލިނަރީ ކޮމިޓީން ބަލަމުންދާއިރު، މެޗު ދޫކޮށްލުމުން ގްރީން ސްޓްރީޓްސް 25،000 ރުފިޔާއިން ޖޫރިމަނާވާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0