Read Time:2 Minute, 52 Second
ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިއްވެވި ރިޔާސީ ބަޔާނަކީ ގައުމުގެ މުސްތަގުބަލު ބައްޓަންކުރާނެ ވަރުގަދަ މަގުޗާޓެކެވެ. މި ބަޔާނުގައި އިގްތިސާދީ ގޮތުން ހޯއްދަވާފައިވާ ތާރީޚީ ކާމިޔާބީތައް ހާމަކުރައްވާފައިވެއެވެ. އެގޮތުން ރާއްޖޭގެ ރަސްމީ ރިޒާވް 1.13 ބިލިޔަން ޑޮލަރަށްވުރެ މައްޗަށް ޖައްސަވައި، އަމިއްލަ ވިޔަފާރިތަކަށް ދައްކަންޖެހޭ ބިލިއަނުން ގުނޭ ދަރަނިތައް ޚަލާސްކުރައްވާފައިވާކަން ފާހަގަކުރެއްވިއެވެ.
މި ބަޔާނުގެ އެންމެ އުންމީދީ އެއް ވައުދަކީ ފަތުރުވެރިކަމުގެ ނަފާ ސީދާ ރައްޔިތުންނަށް ލިބިދިނުމެވެ. ސަރުކާރުން ތަރައްގީކުރާ 10 ރިސޯޓެއްގެ ހިއްސާދާރުންނަށް ހުރިހާ ދިވެހިން ހަދައި، 2030 ވަނަ އަހަރާ ހަމައަށްދާއިރު އޭގެ ފައިދާ ބޭރު ފައިސާއިން ރައްޔިތުންގެ އެކައުންޓަށް ލިބޭނެ އިންތިޒާމު ހަމަޖެއްސެވުމަށް ވަނީ ރާވާފައެވެ. މީގެއިތުރުން، އިގްތިސާދީ، އިޖުތިމާއީ، އަދި އުމްރާނީ ތަރައްގީގެ ހުރިހާ ދާއިރާއަކުންވެސް ރައްޔިތުންނަށް ފައިދާވާނެ ދުރުރާސްތާގެ ތަސައްވުރެއް ރައީސް ހުށަހެޅުއްވިއެވެ.
ގައުމީ މިނިވަންކަމާއި ސިޔާދަތުގެ މައްޗަށް އަލިއަޅުއްވާލައްވަމުން، ރާއްޖޭގެ ފަސްގަނޑާއި ކަނޑުގެ ސަރަހައްދުން އެންމެ އިންޗިއެއްވެސް ދޫނުކުރައްވާނެ ކަމުގެ ޔަގީންކަން ރައީސް ދެއްވިއެވެ. މި ބަޔާނަކީ ހަމައެކަނި ރިޕޯޓެއް ނޫން ކަމަށާއި، މިއީ ރާއްޖެ ބަނގުރޫޓުވުމުގެ ބިރުން ސަލާމަތްވެ، އާ އުންމީދުތަކަކާއެކު އުޖާލާ މުސްތަގުބަލަކަށް ގައުމު މިސްރާބު ޖަހާފައިވާކަން ހާމަކޮށްދިން ހަރުދަނާ މެސެޖެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0