Read Time:2 Minute, 34 Second
(ފޮޓޯ ކްރެޑިޓްސް: ރައީސް އޮފީސް)
ކުރީ ސަރުކާރުން ފޯޅަވަހީގެ ސިޔާދަތީ ބާރު މޮރިޝަސްއަށް ދިނުމަށް ނިންމި ނިންމުމާ ދެކޮޅަށް ގިނަ ރައްޔިތުން އަޑުއުފުލާފައިވާތީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ އެ ސަރަހައްދު އަނބުރާ ހޯދުމުގެ މަސައްކަތް ފަށްޓަވާފައެވެ. އެގޮތުން، ކުރީ ސަރުކާރުން މޮރިޝަސްއަށް ފޮނުވި ސިޓީ ގަބޫލުނުކުރައްވާކަން ހާމަކުރައްވައި، އެ ސިޓީ އަނބުރާ ގެންދިއުމަށް ނިންމަވައި އާ ސިޓީއެއް ވަނީ ފޮނުއްވާފައެވެ. އަދި މި މައްސަލައިގައި ޤައުމަށް ލިބުނު ގެއްލުންތައް ބެލުމަށް “ކޮމިޝަން އޮފް އިންކުއަރީ” އެއް އުފައްދަވައި، ޤާނޫނީގޮތުން ކުރަންޖެހޭ މަސައްކަތްތައް ސަރުކާރުން ދަނީ ކުރަމުންނެވެ.
ރާއްޖޭގެ ކަނޑުގެ ސަރަހައްދު ރައްކާތެރިކުރުމުގެ ގޮތުން، އެމްއެންޑީއެފުން މިހާރު ދަނީ ޑްރޯންާއި ކޯސްޓްގާޑު ބޭނުންކޮށްގެން އެ ސަރަހައްދު ބަލަހައްޓަމުންނެވެ. ތާރީޚީ ގޮތުން ބަލާއިރު، ފޯޅަވައްސަކީ ދިވެހިންނާ ގާތް ގުޅުމެއް އޮތް ތަނެއްކަން އެ ރަށުން ފެނިފައިވާ ދިވެހި އަކުރުން ލިޔެފައިވާ މަހާނަގާތަކުންނާއި، ދިވެހި ފުލޯކު ވާހަކަތަކުންނާއި، 16 ވަނަ ގަރުނުގެ ރަސްމީ ލިޔެކިޔުންތަކުން ސާބިތުވެއެވެ. އަދި ފޯޅަވަހީގެ އަސްލު ވަޒަންވެރިންގެ ޑީއެންއޭއިންވެސް ދިވެހި ނަސްލުގެ ހިއްސާ ފެންނަން ހުރުމަކީ، މޮރިޝަސްއަށްވުރެ ބޮޑަށް އެތަނާ ރާއްޖެއާ އޮތް ގުޅުން ހާމަކޮށްދޭ ހެއްކެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
1
0