Read Time:2 Minute, 20 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ރާއްޖޭގެ ލޮޖިސްޓިކްސް ދާއިރާ ހަރުދަނާކުރުމަށްޓަކައި “މޯލްޑިވްސް ނޭޝަނަލް ލޮޖިސްޓިކްސް” ގެ ޚިދުމަތް ރަސްމީކޮށް އިފްތިތާޙުކޮށްފިއެވެ. މި ޚިދުމަތް ފަށްޓަވައިދެއްވީ ވަޒީރު މޫސާ ޒަމީރު ކަމަށްވާއިރު، މީގެ މައިގަނޑު މަޤްޞަދަކީ މުދާ އުފުލުމާއި، ގުދަންކުރުމުގެ މަރުޙަލާތައް އެއް ވިއުގައަކުން ގުޅާލައި، ވިޔަފާރިވެރިންނަށާއި އާންމުންނަށް ޚަރަދު ކުޑަ އަދި ލުއިފަސޭހަ ނިޒާމެއް ޤާއިމުކޮށްދިނުމެވެ.
މި އާ ޚިދުމަތުގެ ދަށުން މާލޭ ބަނދަރަށް އަންނަ ކޮންޓޭނަރުތައް އެމްޕީއެލްގެ އުޅަނދުތަކުގައި ސީދާ އަތޮޅުތަކުގެ ބަނދަރުތަކަށް ފޮނުވައިދޭ “ޑޮމެސްޓިކް ޓްރާންސްޝިޕްމަންޓް” އާއި، މާލޭ ބަނދަރުން އެއަރޕޯޓަށް މުދާ އުފުލައިދޭ “ސީ-ޓު-އެއަރ” ކާގޯގެ ޚިދުމަތް ލިބިގެންދާނެއެވެ. މީގެ އިތުރުން ތިލަފުށީގައި ވިޔަފާރި ގުދަންތައް ހެދުމާއި، މުދާ އުފުލުމަށް އާ ލޭންޑިންގ ކްރާފްޓެއް ބަނުމުގެ މަސައްކަތްވެސް އެމްޕީއެލްއިން ދަނީ ކުރަމުންނެވެ. މި ނިޒާމުގެ ސަބަބުން ވިޔަފާރިތަކުގެ ހިންގުން އަވަސްވެ، ރާއްޖޭގެ އެކި ސަރަޙައްދުތަކަށް ބޭނުންވާ އަސާސީ މުދާ މެދުކެނޑުމެއްނެތި ފޯރުކޮށްދިނުމަށް ބޮޑު ބާރަކަށް ވެގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
50 %
Surprise
50 %
0
0