Read Time:2 Minute, 31 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރާއްޖޭގެ އެކި ކަންކޮޅުތަކުގައި މޮޅެތި އެތުލީޓުން އުފެދެމުންދަނީ ކުޅިވަރު ތަރައްޤީކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވާ ޚާއްޞަ އިސްކަމުގެ ސަބަބުން ކަމަށް ކޮމިޝަނަރ އޮފް ސްޕޯޓްސް މުޙައްމަދު ޠަލާލް ވިދާޅުވެއްޖެއެވެ. ކާވާ ވިމެންސް ލީގު ފެށުމުގެ ރަސްމިއްޔާތުގައި ވާހަކަދައްކަވަމުން ޠަލާލް ފާހަގަކުރެއްވި ގޮތުގައި، ބައިނަލްއަޤްވާމީ މުބާރާތްތައް ރާއްޖޭގައި ބޭއްވުމާއި، މާލޭގެ އިތުރުން އަތޮޅުތެރޭގައި ކުޅިވަރު ވަސީލަތްތައް ޤާއިމުކުރުމަކީ ސަރުކާރުން ވަރަށް ބޮޑު އަހަމިއްޔަތުކަމެއް ދޭ ކަމެކެވެ.
މިގޮތުން ދަނޑުތަކާއި ކޯޓުތައް ޒަމާނީ ފެންވަރަށް ތަރައްޤީކުރުމުގެ އިތުރުން، ބިދޭސީ ކޯޗުންގެ އެހީގައި އެތުލީޓުން ތަމްރީނުކުރުމާއި ފަންނީ މީހުން ބިނާކުރުމުގެ މަސައްކަތްވެސް ދަނީ ކުރެވެމުންނެވެ. މި މަސައްކަތްތަކުގެ ސަބަބުން ރާއްޖޭގައި ހުނަރުވެރި ކުޅުންތެރިން އިތުރުވެ، ބައިނަލްއަޤްވާމީ މުބާރާތްތައް ރާއްޖޭގައި ބޭއްވުމުގެ ފުރުސަތު ތަނަވަސްވަމުންދާކަން ޠަލާލް ފާހަގަކުރެއްވިއެވެ. އަދި މިހާރު ކުރިއަށްދާ ކާވާ ވިމެންސް ލީގުގައި ވާދަކުރާ ރާއްޖޭގެ ދެ ޓީމަށް ކާމިޔާބީއަށް އެދިވަޑައިގަންނަވަމުން، އެ ޓީމުތަކުން ފައިނަލުގައި ވާދަކުރާތަން ދުށުމަކީ އުންމީދެއް ކަމަށްވެސް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0