Read Time:1 Minute, 50 Second
ދިވެހި ޕްރިމިއަރ ލީގުގައި ނިއުރޭޑިއަންޓާ ދެކޮޅަށް ކުޅެން އޮތް މެޗަށް ގްރީން ސްޓްރީޓްސްގެ ކުޅުންތެރިން ހާޒިރުނުވެ މެޗު ދޫކޮށްލުމަކީ، ވެލެންސިއާ ރެލިގޭޓްކޮށްލަން ގަސްތުގައި ކުރި ކަމެއް ކަމަށް ބުނެ ވެލެންސިއާއިން އެކަން ކުށްވެރިކޮށްފިއެވެ. ވެލެންސިއާއަށް ލީގުގެ ރެލިގޭޝަން ޕްލޭއޮފުން ޖާގައެއް ލިބެން އޮތީ އެ މެޗުން ނިއުރޭޑިއަންޓް ހަތަރު ލަނޑުގެ ތަފާތުން މޮޅުވެގެންނެވެ. ނަމަވެސް ގަވާއިދު ބުނާގޮތުން މެޗަށް ހާޒިރުނުވެއްޖެނަމަ ބަލިވީ ކަމަށް ބަލަނީ ދެ ލަނޑުގެ ތަފާތުން ކަމަށްވާތީ، މިއީ އަމިއްލައަށް ނަތީޖާ ކަނޑައަޅައި މެޗު ފިކްސްކުރުން ކަމަށް ވެލެންސިއާއިން ތުހުމަތުކުރެއެވެ.
މި މައްސަލަ ބަލައި ހައްގު ހޯދައިދިނުމަށް އެފްއޭއެމަށް ގޮވާލަމުން، މި މައްސަލަ ފީފާއާއި އޭއެފްސީއަށް ހުށަހަޅާނެ ކަމަށްވެސް ވެލެންސިއާއިން ބުނެފައިވެއެވެ. މެޗަށް ހާޒިރުނުވި މައްސަލަ ޑިސިޕްލިނަރީ ކޮމިޓީން ބަލައި، ގްރީން ސްޓްރީޓްސް ޖޫރިމަނާކުރާނެއެވެ.
Happy
0 %
Sad
50 %
Excited
0 %
Sleepy
50 %
Angry
0 %
Surprise
0 %
0
0