Read Time:1 Minute, 54 Second
(ފޮޓޯ ކްރެޑިޓްސް: ރައީސް އޮފީސް)
ދަރަނި އަދާކުރުމަށްޓަކައި އިތުރު ދަރަނި ނަގަން ނުޖެހޭނެ ގޮތަށް، ސޮވެރިން ޑިވެލޮޕްމެންޓް ފަންޑު (އެސްޑީއެފް) މެދުވެރިކޮށް ދަރަނި ދެއްކޭނެ އިންތިޒާމުތައް ހަމަޖައްސަވާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ވިދާޅުވެފައެވެ. ކުރީ ސަރުކާރުން ނަގާފައިވާ ސުކޫކުތައް ދެއްކުމަށްޓަކައި މިއަހަރު އެސްޑީއެފް އިން 150 މިލިއަން ޑޮލަރު ޚަރަދުކުރާނެ ކަމަށާއި، ބާކީވާ ބައި ރީފައިނޭންސް ކުރާއިރު އިންޓްރެސްޓް ރޭޓް 9 އިންސައްތައަށް ވުރެ ބޮޑުނުވާނެ ކަމުގެ ޔަޤީންކަން އެމަނިކުފާނު ދެއްވިއެވެ. މިހާރު އެ ފަންޑުގައި 275 މިލިއަން ޑޮލަރަށް ވުރެ ގިނަ ފައިސާ ހުރިއިރު، ސަރުކާރުގެ އަމާޒަކީ ދަރަނީގެ ދަންތުރައިން ރައްޔިތުން ސަލާމަތްކޮށް، ދެމެހެއްޓެނިވި ގޮތެއްގައި ދަރަނި އަދާކުރުމުގެ ނިޒާމެއް ބިނާކުރުމެވެ. މީގެ އިތުރުން ޗައިނާ އާއި އިންޑިއާއަށް ދައްކަންޖެހޭ ދަރަނިތަކަށް ވެސް ލުއި ގޮތްތަކެއް ހަމަޖެހިފައިވާކަން ރައީސް ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0