Read Time:3 Minute, 1 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ދިވެހިރާއްޖޭގެ ޚާއްސަ އިޤްތިޞާދީ ސަރަޙައްދުން ގެއްލުނު ބައި އަނބުރާ ހޯދުމަށްޓަކައި ޤާނޫނީ މަސައްކަތްތައް ސަރުކާރުން ވަނީ ފަށާފައެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހާމަކުރެއްވި ގޮތުގައި، ފޯޅަވައްސަކީ ރާއްޖޭގެ ބައެއްކަން ތާރީޚީ އަދި އާސާރީ ހެކިތަކުން ސާބިތުވާތީ، އެ ރަށްތަކުގެ މިލްކުވެރިކަން މޮރިޝަސްއަށް ދިނުމަށް އިނގިރޭސިވިލާތުން ނިންމި ނިންމުމަށް ރާއްޖެއިން ވަނީ ރަސްމީކޮށް އިއުތިރާޒުކޮށްފައެވެ. މީގެ އިތުރުން، ރާއްޖޭގެ ކަނޑުގެ ސަރަޙައްދުން ބައެއް ގެއްލޭގޮތަށް ކުރީގެ ސަރުކާރުން ފޮނުވި ސިޓީ އަނބުރާ ގެނައުމަށާއި، އެ ނިންމުން ނިންމުމުގައި އިހުމާލުވި ފަރާތްތަކުގެ މައްސަލަ ބަލައި ފިޔަވަޅު އެޅުމަށް “ކޮމިޝަން އޮފް އިނކުއަރީ” އެއް އުފެއްދުމަށް ވެސް ވަނީ ނިންމާފައެވެ.
ކަނޑުގެ ސަރަޙައްދު ރައްކާތެރިކުރުމަށްޓަކައި ޤާނޫނުތަކަށް ގެންނަންޖެހޭ އިސްލާހުތައް މަޖިލީހަށް ހުށަހެޅުމުގެ އިތުރުން، މިކަމާ ގުޅޭ ކަންކަން ބަލަހައްޓާނެ ޚާއްސަ އިދާރާއެއް އުފެއްދުމަށް ވެސް ސަރުކާރުން ވަނީ ނިންމާފައެވެ. ފޯޅަވައްސަކީ މޮރިޝަސްއަށްވުރެ ރާއްޖެއާ މާ ކައިރީގައި އޮތް ތަނެއްކަމާއި، އެތަނުން ފެނިފައިވާ ދިވެހި އަކުރުން ކަނޑާނަގާފައިވާ މަހާނަގާތަކާއި، މީހުންގެ ޑީ.އެން.އޭ ފަދަ ހެކިތަކުން އެއީ ދިވެހިންނާ ގުޅިފައިވާ ތަނެއްކަން ސާބިތުވާކަމަށް ރައީސް ވިދާޅުވިއެވެ. އެހެންކަމުން، ރާއްޖޭގެ ސިޔާދަތީ ބާރު ދެމެހެއްޓުމަށްޓަކައި ޤާނޫނީ ގޮތުން ކުރަންޖެހޭ ހުރިހާ މަސައްކަތެއް ކުރައްވާނެ ކަމުގެ ޔަގީންކަން ރައީސުލްޖުމްހޫރިއްޔާ ވަނީ ދެއްވާފައެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0