Read Time:2 Minute, 21 Second
މިއަހަރުގެ ރިޔާސީ ބަޔާން އިއްވަވަމުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ އުސްގެކޮޅު ސަރަޙައްދުގައި ރާއްޖޭގެ ފުރަތަމަ އިންޓަރެކްޓިވް އިމާރސިވް މިއުޒިއަމް ތަރައްޤީކޮށް، މިއަހަރުގެ ތެރޭގައި ހުޅުވާނެކަން އިޢުލާން ކުރައްވާފައެވެ. މިއީ ދިވެހި ތަރިކަ ރައްކާތެރިކޮށް އަންނަން އޮތް ޖީލުތަކަށް ފޯރުކޮށްދިނުމަށް ސަރުކާރުން ގެންގުޅޭ ސިޔާސަތުގެ ދަށުން ކުރެވޭ މުހިންމު މަސައްކަތެކެވެ.
މީގެ އިތުރުން، ރާއްޖޭގެ ހިރިގަލު މިސްކިތްތައް ޔުނެސްކޯގެ ދުނިޔޭގެ ތަރިކައިގެ ލިސްޓުގައި ހިމެނުމަށް ބޭނުންވާ ދިރާސާތައް ނިންމައި މިހާރު ވަނީ ހުށަހަޅާފައެވެ. އަދި އުތީމާއި ބާރަށް ފަދަ ތާރީޚީ ރަށްތަކުގައި ތަރިކަ ރައްކާތެރިކުރުމުގެ މަސައްކަތްތައް ކުރިއަށްދާއިރު، ނެތެމުންދާ ދިވެހި ސަޤާފީ މަސައްކަތްތައް ދިރުވައި އާލާކުރުމަށްޓަކައި ޤައުމީ ސަނަދުގެ ފެންވަރަށް ތަމްރީނުތައް ވަނީ ފަށާފައެވެ. މިގޮތުން ތުޅާދޫ، ރިނބުދޫ އަދި ގައްދޫގައި ސަޤާފީ މަސައްކަތްތައް ދަސްކޮށްދޭ މަރުކަޒުތައް ބިނާކުރުމުގެ މަސައްކަތް މިއަހަރު ފެށޭނެ ކަމަށާއި، ދިވެހިންގެ އަޚްލާޤާއި އުޅުން ބައްޓަންކުރުމަށް “އިޚްތިރާމް ކުރުމުގެ ޤައުމީ ކެމްޕޭނެއް” ކުރިއަށް ގެންދަވާނެ ކަމަށްވެސް ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0