Read Time:2 Minute, 1 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މިއަހަރުގެ ޙައްޖުގެ އިންތިޒާމުތައް ސަޢުދީ ޢަރަބިއްޔާގައި %100 ފުރިހަމަކުރި 8 ޤައުމުގެ ތެރޭގައި ރާއްޖެ ހިމެނިފައިވާކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިޢުލާންކުރައްވައިފިއެވެ. ރިޔާސީ ބަޔާނުގައި ރައީސް ފާހަގަކުރެއްވި ގޮތުގައި، “މައްކާ ރޫޓް” އިނީޝިއޭޓިވްގެ މެންބަރުކަން ރާއްޖެއަށް ލިބުމާއެކު، ޙައްޖުވެރިންނަށް މީގެ ކުރިން ނުލިބޭ ފަދަ ބޮޑެތި ލުއިތަކެއް ވަނީ ތަނަވެސްވެފައެވެ. އޭގެ ތެރޭގައި މިނާގެ ފޭލިގެތައް ބީ-ކެޓަގަރީއަށް މަތިކުރުމާއި، މައްކާއާއި މަދީނާއާ ދެމެދު ހައިސްޕީޑް ރޭލުގައި ދަތުރުކުރެވޭނެ އިންތިޒާމު ހަމަޖެހުން ހިމެނެއެވެ. މީގެ އިތުރުން، ޙައްޖުވެރިންނަށް ހިލޭ ބޭސްފަރުވާގެ ޚިދުމަތް ދިނުމާއި، ޒަކާތުގެ ނިޒާމު ހަރުދަނާކުރުމަށްޓަކައި އަލަށް ޒަކާތުގެ ޤާނޫނެއް ވުޖޫދުކޮށްފައިވާކަންވެސް ރައީސް ފާހަގަކުރެއްވިއެވެ. ނަތީޖާއެއްގެ ގޮތުން، ވޭތުވެދިޔަ 5 އަހަރާ އަޅާބަލާއިރު އެންމެ ގިނަ ފައިސާ ޒަކާތުގެ ގޮތުގައި ލިބުނީ މިދިޔަ އަހަރު ކަމަށް ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0