Read Time:2 Minute, 15 Second
(ފޮޓޯ ކްރެޑިޓްސް: ބީއެމްއެލް)
ރާއްޖޭގައި އޭއައި އަދި ޑޭޓާ ކޮމްޕިޓެންސީ ސެންޓަރެއް ގާއިމުކުރުމަށްޓަކައި މޯލްޑިވްސް އިނޮވޭޝަން އެންޑް ޑިޖިޓަލް ކޮމްޕެނީ (މައިންޑްކޯ) އާއި ބޭންކް އޮފް މޯލްޑިވްސް (ބީއެމްއެލް) އިން އެއްބަސްވުމެއްގައި ސޮއިކޮށްފިއެވެ. މިއީ ރައީސުލްޖުމްހޫރިއްޔާގެ ‘މޯލްޑިވްސް 2.0’ ޑިޖިޓަލް ޓްރާންސްފޮމޭޝަން އެޖެންޑާގެ ދަށުން، ސަރުކާރުގެ ހިންގުން ހަރުދަނާކޮށް އާންމު ޚިދުމަތްތަކުގައި އޭއައި އާއި ޑޭޓާގެ ބޭނުން ހިފުމަށް ކުރިއަށްގެންދާ ޤައުމީ މަޝްރޫޢެކެވެ.
މި ސެންޓަރުގެ މައިގަނޑު މަގުސަދަކީ ދައުލަތުގެ އިދާރާތަކަށް ރައްކާތެރިކަމާއެކު އޭއައި ބޭނުންކުރަން އެހީތެރިވުމާއި، އަމިއްލަ ސެކްޓަރާ ގުޅިގެން ޓެކްނޮލޮޖީގެ އައު ޙައްލުތައް ހޯދައިދިނުމެވެ. މައިންޑްކޯއިން އިސްވެ ހިންގާ މި މަޝްރޫޢުގައި ބީއެމްއެލް ބައިވެރިވަނީ ސްޓްރެޓީޖިކް ޕާޓްނަރެއްގެ ގޮތުގައެވެ. ބޭންކުގެ މާލީ އަދި ޑިޖިޓަލް ތަޖުރިބާގެ އެހީގައި، ސަރުކާރުގެ ނިންމުންތައް ޑޭޓާގެ މައްޗަށް ބިނާކޮށް ނިންމުމަށާއި ޚިދުމަތްތައް ޒަމާނީކުރުމަށް މަގުފަހިވެގެންދާނެއެވެ. މި ސެންޓަރުގެ އަމަލީ މަސައްކަތްތައް އަންނަ އޭޕްރީލް މަހު ފެށުމަށް ވަނީ ހަމަޖެހިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0