Read Time:2 Minute, 54 Second
އީރާނުގެ ބެލިސްޓިކް މިސައިލް މަޝްރޫޢަކީ މެދުއިރުމަތީގައި އޮތް އެންމެ ބިޔަ އަދި ވަރުގަދަ އެއް މަޝްރޫޢެވެ. މި މަޝްރޫޢާ ގުޅޭގޮތުން އެއްވެސް މަޝްވަރާއެއް ނުކުރެވޭނެ ކަމަށް އީރާނުން އަބަދުވެސް ބުނަމުންދާއިރު، އެ ޤައުމުގެ އަތުގައި 300 ކިލޯމީޓަރުން ފެށިގެން 3,000 ކިލޯމީޓަރާ ހަމައަށް ދަތުރުކުރުމުގެ ޤާބިލުކަން ހުރި ތަފާތު ބާވަތްތަކުގެ މިސައިލްތައް އެބަހުއްޓެވެ. އޭގެ ތެރޭގައި ޔަހޫދީ ދައުލަތާ ހަމައަށް ވާސިލްވެވޭ ފަދަ ސެޖިލް، ޤަދްރު، އަދި ޚުއްރަމްޝަހްރު ފަދަ މިސައިލްތަކާއި، އަޑުގެ ދުވެއްޔަށްވުރެ ފަސް ގުނަ ބާރަށް ދަތުރުކުރާ ހައިޕަސޮނިކް މިސައިލްތައް ވެސް ހިމެނެއެވެ.
އީރާނުން މިސައިލްތައް އުފައްދައި ރައްކާކުރުމަށްޓަކައި ބިމުގެ އަޑީގައި “މިސައިލް ސިޓީ” ތަކެއް ޤާއިމްކޮށްފައިވެއެވެ. މި ހަތިޔާރުތަކަކީ ދުޝްމަނުންގެ ކިބައިން ރައްކާތެރިވުމަށާއި، ހަމަލާއެއް ދީފިނަމަ ވަރުގަދަ ރައްދެއް ދިނުމަށް ގެންގުޅޭ ވަސީލަތްތަކެއް ކަމަށް އީރާނުން ބުނެއެވެ. އީރާނުގެ މިސައިލްތަކުގެ ވަރުގަދަކަން ފެނިގެންދިޔަ މުހިންމު ހާދިސާތަކުގެ ތެރޭގައި، 2025 ވަނަ އަހަރު ޔަހޫދީންނާ ދެމެދު ކުރި ހަނގުރާމައިގައި ދިން ހަމަލާތަކާއި، ޤާސިމް ސުލައިމާނީ އަވަހާރަކޮށްލުމުން އެމެރިކާގެ އަސްކަރީ މަރުކަޒުތަކަށް ދިން ރައްދު ހަމަލާތައް ހިމެނެއެވެ. ހުޅަނގުގެ ބާރުތަކުން މިއީ ސަރަޙައްދީ ހަމަޖެހުމަށް އޮތް ނުރައްކަލެއް ކަމަށް ބެލި ނަމަވެސް، އީރާނުން ދަނީ އުތުރު ކޮރެޔާ، ރަޝިޔާ އަދި ޗައިނާގެ އެހީތެރިކަމާއެކު މި މަޝްރޫޢު އިތުރަށް ތަރައްޤީކޮށް ވަރުގަދަކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0