Read Time:1 Minute, 51 Second
ފަރޓިލިޓީ ކެއަރ ފަންޑުގެ ދަށުން އައިވީއެފް ހެދުމަށް ހުޅުވާލި ފުރަތަމަ ފުރުޞަތުގައި ޝަރުތު ހަމަވި 37 ދެމަފިރިއަކަށް އެހީތެރިކަން ދިނުމަށް އެންސްޕާއިން ވަނީ ނިންމާފައެވެ. މިދިޔަ އަހަރުގެ ނޮވެންބަރު މަހު ހުޅުވާލި މި ފުރުޞަތަށް 135 ދެމަފިރިއަކު ކުރިމަތިލާފައިވާއިރު، އެހީ ލިބޭ ފަރާތްތަކުން ފަރުވާ ކުރިއަށްގެންދާނެ ޕްލޭން މި މަހުގެ 11ގެ ކުރިން ހިއްސާކުރަންޖެހެއެވެ. އައިވީއެފް އެހީއަށް އެދޭއިރު ކައިވެންޏަށް 3 އަހަރުވުމާއި، ޞިއްޙީ ގޮތުން އެ ފަރުވާ ކޮންމެހެން ބޭނުންވާކަމަށް ސްޕެޝަލިސްޓުން ލަފާދީފައިވުން ފަދަ މުހިންމު ޝަރުތުތަކެއް ފުރިހަމަވާންޖެހެއެވެ. މީގެކުރިންވެސް އާސަންދައިގެ ދަށުން ދެ ބުރެއްގެ މަތިން 100 ދެމަފިރިއަކަށް މި ފަރުވާގެ އެހީ ދީފައިވާއިރު، ރާއްޖޭގައި ގާއިމްކުރި ފަރޓިލިޓީ ސެންޓަރުގެ އެހީގައި މިހާތަނަށް ދެ ކުދިން ވަނީ އުފަންވެފައެވެ. ސަރުކާރުގެ އެހީގައި ރާއްޖެއާއި ރާއްޖެއިން ބޭރުންވެސް ގިނަ ބަޔަކު ދަނީ މި ފަރުވާ ހޯދަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0