Read Time:2 Minute, 7 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މަސްވެރިކަމުގެ ސިނާއަތް ކުރިއެރުވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންގުޅުއްވާ ސިޔާސަތުތަކާއެކު، ސަރުކާރަށް ރައްޔިތުންގެ އިތުބާރު ލިބުމަކީ މުހިންމު ކަމެއް ކަމަށް ނައިބު ރައީސް އަލްއުސްތާޛް ޙުސައިން މުޙައްމަދު ލަތީފް ވިދާޅުވެއްޖެއެވެ. ގދ. ފިޔޯރީގައި މަސްދަޅު ބަންދުކުރާ ކާރުޚާނާގެ އަމަލީ މަސައްކަތް ފެށުމުގެ ރަސްމިއްޔާތުގައި ވާހަކަފުޅު ދައްކަވަމުން ނައިބު ރައީސް ވިދާޅުވީ، އިޤްތިޞާދު ހަމައެކަނި ފަތުރުވެރިކަމަށް ބަރޯސާނުކޮށް، މަސްވެރިކަމުގެ ދާއިރާ ފުޅާކޮށް ސިންދަފާތުކުރުމަކީ ރައީސްގެ މުހިންމު އަމާޒެއް ކަމަށެވެ. އަދި ސަރުކާރާ ހަވާލުވިއިރު އިޤްތިޞާދީ ހާލަތު އޮތީ ވަރަށް ދަށުގައި ނަމަވެސް، ރައްޔިތުންނަށް ވެވަޑައިގެންނެވި ވައުދުތައް ފުއްދެވުމަށް ރައީސް ހާއްސަ އިސްކަމެއް ދެއްވާކަން އެމަނިކުފާނު ފާހަގަކުރެއްވިއެވެ. މީގެއިތުރުން، މަސްވެރިކަމުގެ ސިނާއަތަށް ޒުވާނުން ނެރުމަށާއި، ވަޒީފާގެ ޔަގީންކަން ކަށަވަރުކޮށްދިނުމަށް ސަރުކާރުން މަސައްކަތް ކުރަމުންދާ ކަމަށްވެސް ނައިބު ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0