Read Time:1 Minute, 42 Second
ދިވެހި ޕްރިމިއަރ ލީގަށް ކޮލިފައިވާން ކުޅޭ ޕްލޭއޮފް މެޗުތައް މިހާރު ރޭވިފައިވާ ގޮތާމެދު ޓީސީގެ ކޯޗު މުޙައްމަދު އާތިފް (އާތީ) ބޮޑެތި ކަންބޮޑުވުންތަކެއް ފާޅުކޮށްފިއެވެ. އޭނާ ފާހަގަކުރި ގޮތުގައި، ރީޖަނަލް ޓީމުތަކަށް ލިސްޓު ބަދަލުކުރުމުގެ ފުރުސަތު އޮތް ނަމަވެސް، ލީގުގެ ޓީމުތަކަށް އެ ފުރުސަތު ނެތުމަކީ ބޮޑު ބޭއިންސާފެކެވެ. މީގެ އިތުރުން، ލީގު މެދުކެނޑިފައި އޮންނަ މުއްދަތު ދިގުވުމާއި، ޕްލޭއޮފް މެޗުތައް އޮންނާނެ ތާރީޚެއް ނޭނގުމުގެ ސަބަބުން ތައްޔާރުވުމަށް ދަތިތަކާ ކުރިމަތިވާ ކަމަށް އޭނާ ބުންޏެވެ. އާތީގެ އިލްތިމާސަކީ ޕްރިމިއަރ ލީގުގެ ޓީމުތަކަށް ގެއްލުން ނުވާނެހެން، ހުރިހާ މުބާރާތްތަކެއް އެއް ތަރުތީބަކުން ނިންމައި، އުސޫލުތައް ހަމަހަމަކުރުމެވެ. އެފްއޭއެމްގެ އައު ފޯމެޓުގެ ދަށުން ޕްލޭއޮފްގައި ވާދަކުރާނީ ލީގުގެ ފުލަށް ދިޔަ ދެ ޓީމާއި ހަތަރު ސަރަހައްދެއްގެ ޗެމްޕިއަން ޓީމުތަކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0