Read Time:1 Minute, 49 Second
(ފޮޓޯ ކްރެޑިޓްސް: މޯލްޑިވިއަން)
ދެކުނުގެ ހަތަރު އަތޮޅު ވައިގެމަގުން ގުޅާލުމަށް ފެށި ދަތުރުތަކަކީ ރާއްޖޭގެ ދަތުރުފަތުރުގެ ނިޒާމަށް އަންނާނެ އިންގިލާބީ ބަދަލެއް ކަމަށް ވަޒީރު ޑރ. އަބްދުﷲ މުއްތަލިބު ވިދާޅުވެއްޖެއެވެ. މި މަޝްރޫއަކީ ރައީސުލްޖުމްހޫރިއްޔާގެ އިސްނެންގެވުމާއެކު ފެށުނު ޕައިލެޓް ޕްރޮޖެކްޓެއް ކަމަށާއި، ރާއްޖެއަށް ބޭނުންވަނީ ބޮޑެތި ބޯޓުތަކަށްވުރެ ބޮޑަށް ގިނަގިނައިން ދަތުރުކުރެވޭނެ ކުދި ފްލައިޓްތަކުގެ ނިޒާމެއްކަން ވަޒީރު ފާހަގަކުރެއްވިއެވެ. މިފަދަ ދަތުރުތަކަށް ބޭނުންވާ ކުދި ރަންވޭތައް ހެދުމަށް ހިނގާ ޚަރަދު ކުޑަވުމަކީ މީގެ ބޮޑު ފައިދާއެއް ކަމަށްވެސް އެމަނިކުފާނު ވިދާޅުވިއެވެ. މޯލްޑިވިއަނުން ހާމަކުރި ގޮތުގައި މި ދަތުރުތަކުގެ ސަބަބުން އާންމު ދަތުރުފަތުރަށާއި، ތައުލީމާއި، ބޭސްފަރުވާއަށް ބޮޑު ލުޔެއް ލިބުމުގެ އިތުރުން، ދެކުނުގެ ފަތުރުވެރިކަމުގެ ސިނާއަތަށް ވެސް ބޮޑެތި ކުރިއެރުންތަކެއް ލިބިގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0