ފުވައްމުލަކަށް އައު ބަދަލެއް! މޭޔަރު ކަމަށް ޢަލީ މަސީޙު!

Read Time:3 Minute, 53 Second

ޢަލީ މަސީޙަކީ ފުވައްމުލަކުގެ ހާލަތާއި ރައްޔިތުންގެ އިހުސާސްތައް އެންމެ ގާތުން ދަންނަ، ގާބިލު ކެންޑިޑޭޓެކެވެ. ލޯކަލް ކައުންސިލް އިންތިޚާބަށް އޭނާ ކުރިމަތިލައްވަނީ ތަފާތު އެކި ދާއިރާތަކުން ހޯއްދަވާފައިވާ އަހަރުތަކެއްގެ މުއްސަނދި ތަޖުރިބާއާ އެކުގައެވެ. އޭނާގެ ކޮންމެ ވާހަކައަކީ އޮށްޓަރު ހުރި، ހަގީގީ ނަތީޖާ ދެއްކޭނެ ފަދަ އުންމީދީ ވައުދުތަކެކެވެ. ޕީއެންސީގެ ޓިކެޓުގައި ފުވައްމުލަކު ސިޓީގެ މޭޔަރުކަމަށް ވާދަކުރައްވާ މަސީޙަކީ އިގްތިސާދީ ގޮތުން ފުދުންތެރި، ވިލުންތެރި މުޖުތަމައެއް ބިނާކުރުމުގެ ސާފު ތަސައްވުރެއް ގެންގުޅުއްވާ ޒުވާނެކެވެ.

“އަޅުގަނޑު ބޭނުންވަނީ ދުރާލާ ރޭވިފައިވާ، ހަރުދަނާ ތަރައްޤީއެއް،” މަސީޙު ވިދާޅުވިއެވެ. އޭނާގެ މައިގަނޑު އަމާޒަކީ ވަގުތީ ހައްލުތަކަށް ބަރޯސާވުމުގެ ބަދަލުގައި، ރައްޔިތުންނާ ގުޅިގެން، ވިލަރެސްކުރެވިފައިވާ ދެމެހެއްޓެނިވި ތަރައްޤީއެއް ރަށަށް ގެނައުމެވެ. މަސީޙުގެ ވިސްނުންފުޅަކީ ހަމައެކަނި ޚިޔާލީ ވާހަކަތަކެއް ނޫނެވެ. ކުދި ވިޔަފާރިތަކަށް ފަހި މާހައުލެއް ގާއިމުކޮށްދީ، އަމިއްލަ ފަރާތްތަކުގެ ބައިވެރިވުން އިތުރުކުރުމަކީ އޭނާގެ މުހިންމު އަމާޒެކެވެ. ރަށުގެ އިގްތިސާދު ފުޅާކުރުމަށްޓަކައި، މިހާރު ރަށުގައި ދިރިއުޅޭ އާބާދީ 15،000 އާއި 20،000 އާ ދެމެދުގެ އަދަދަކަށް އިތުރުކުރަންޖެހޭ ކަމަށް އޭނާ ގަބޫލުކުރައްވައެވެ. މީގެ އިތުރުން ފުވައްމުލަކަކީ ތައުލީމީ މަރުކަޒަކަށް (އެޑިއުކޭޝަނަލް ހަބް) ހެދުމަކީވެސް އޭނާގެ ތަސައްވުރުގެ ތެރޭގައި ހިމެނޭ ކަމެކެވެ.

ޢަލީ މަސީޙުގެ ގާބިލުކަން ހާމަވަނީ އޭނާގެ ތައުލީމީ އަދި މަސައްކަތުގެ ބެކްގްރައުންޑުންނެވެ. އެމްބީއޭ ފުރިހަމަކުރައްވާފައިވާ މަސީޙު ވަނީ ތައުލީމީ ދާއިރާގައި ލެކްޗަރާއެއްގެ ގޮތުގައި 11 އަހަރު، ފަތުރުވެރިކަމުގެ ދާއިރާގައި 10 އަހަރު، އަދި ކައުންސިލްގެ އިސް މަގާމުތަކުގައި 12 އަހަރު ޚިދުމަތް ކުރައްވާފައެވެ. ފުވައްމުލަކުގެ ތަރައްޤީ އައު އުސްމިންތަކަކަށް ގެންދިއުމުގެ އަޒުމުގައި އޭނާ އިސްކަންދެއްވަނީ ދަތުރުފަތުރުގެ ނިޒާމު ހަރުދަނާކޮށް، ރަށުގެ ފަތުރުވެރިކަން އައު ހަރުފަތަކަށް ގެންދިއުމަށެވެ.