Read Time:1 Minute, 57 Second
ރާއްޖޭގެ އެންމެ ދެކުނުގެ ހަތަރު އަތޮޅު ކަމަށްވާ އައްޑޫ، ފުވައްމުލައް، ގއ. އަދި ގދ. އަތޮޅު ވައިގެ މަގުން ގުޅާލުމުގެ އިފްތިތާޙީ ދަތުރުތައް މޯލްޑިވިއަނުން ފަށައިފިއެވެ. އައްޑޫން ފުވައްމުލަކަށް ކުރި މި ދަތުރާއެކު، އަންނަ ފެބްރުއަރީ މަހުގެ 1 ވަނަ ދުވަހުން ފެށިގެން މި ހަތަރު އަތޮޅުގެ އެއާޕޯޓުތަކުގެ މެދުގައި ރަސްމީކޮށް ދަތުރުތައް ފެށޭނެއެވެ. ޓްވިން އޮޓަރ މަރުކާގެ ބޯޓުތަކުގައި ކުރާ މި ދަތުރުތަކުގެ ސަބަބުން، ކުރިން ފެރީގައި ގަޑިއިރަކަށް ވުރެ ގިނައިރު ނަގާ ދަތުރު 20 މިނެޓަށް ކުރުވެ، ބޭސްފަރުވާއާއި އެހެނިހެން ބޭނުންތަކަށް ދަތުރުކުރާ ފަރާތްތަކަށް ބޮޑު ލުޔެއް ލިބޭނެއެވެ. މީގެ އިތުރުން، ގަން އިންޓަނޭޝަނަލް އެއާޕޯޓަށް އަންނަ ފަތުރުވެރިންނަށް ދެކުނުގެ އަތޮޅުތަކަށް ދަތުރުކުރުން ފަސޭހަވެ، ފަތުރުވެރިކަމަށް ވެސް ކުރިއެރުން ލިބިގެންދާނެއެވެ. މިއީ ރައްޔިތުންގެ ލާބައަށްޓަކައި ރައީސުލްޖުމްހޫރިއްޔާ ވެވަޑައިގެންފައިވާ ވައުދުފުޅެއް ފުރިހަމަވެގެން ދިޔުންކަމަށް މޯލްޑިވިއަނުން ފާހަގަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0