Read Time:2 Minute, 25 Second
ޤައުމީ އެއާލައިން، މޯލްޑިވިއަނުން ރާއްޖޭގެ އެންމެ ދެކުނުގެ ހަތަރު އަތޮޅު ކަމަށްވާ އައްޑޫ، ފުވައްމުލައް، ގއ. އަދި ގދ. އަތޮޅު ވައިގެ މަގުން ގުޅާލުމުގެ އޮޕަރޭޝަން ފެބްރުއަރީ 1 އިން ފެށިގެން ފެށުމަށް ވަނީ ނިންމާފައެވެ. ގަން އިންޓަރނޭޝަނަލް އެއާޕޯޓު ބޭސްއެއްގެ ގޮތުގައި ބޭނުންކޮށްގެން ކުރިއަށްގެންދާ މި ދަތުރުތަކަށް ބޭނުންކުރަނީ 15 މީހުންގެ ޖާގައިގެ ޓްވިން އޮޓަރ މަރުކާގެ ބޯޓުތަކެވެ. މި ޚިދުމަތުގެ ސަބަބުން ދެކުނުގެ އަތޮޅުތަކުގެ މެދުގައި ދަތުރުފަތުރު ކުރުމަށް ބޮޑު ލުޔެއް ލިބި، އިޖުތިމާޢީ ގުޅުންތަކާއި ފަތުރުވެރިކަމަށް ބޮޑު ކުރިއެރުމެއް އަންނާނެ ކަމަށް މޯލްޑިވިއަނުން ބުނެއެވެ.
މި ދަތުރުތައް ފަސް ސެކްޓަރަކަށް ބަހާލާފައިވާއިރު، ޓިކެޓުގެ އަގުތައް އުޅެނީ 500 ރުފިޔާ އާއި 900 ރުފިޔާއާ ދެމެދުގައެވެ. މިގޮތުން ގަމާއި ފުވައްމުލަކާ ދެމެދު 500 ރުފިޔާއަށް ދަތުރުކުރެވޭއިރު، ފުވައްމުލަކުން ކޫއްޑޫ ނުވަތަ ކާޑެއްދޫއަށް 650 ރުފިޔާއަށް އަދި ގަމުން ކޫއްޑޫ ނުވަތަ ކާޑެއްދޫއަށް 900 ރުފިޔާއަށް ދަތުރުކުރެވޭނެއެވެ. މިއީ ސަރަޙައްދީ ދަތުރުފަތުރު ހަރުދަނާކޮށް، ބޭސްފަރުވާއާއި ތަޢުލީމީ ބޭނުންތަކަށް ރައްޔިތުން ކުރާ ދަތުރުތަކަށް ފަސޭހަ ކޮށްދިނުމަށް ސަރުކާރުން ގެންގުޅޭ ސިޔާސަތުގެ ދަށުން ފެށި މުހިންމު މަސައްކަތެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
100 %
0
0