Read Time:2 Minute, 54 Second
(ފޮޓޯ ކްރެޑިޓްސް: ވަގުތު)
މިއަދުގެ ހުކުރު ހުތުބާގައި އަލިއަޅުވާލާފައިވަނީ “ވަށައިޖެހޭ ތައުލީމުގައި އުންމަތް ބިނާކުރުން” މި މައުޟޫއަށެވެ. އުނގެނުމަކީ ބުރަ މަސައްކަތެއް ނަމަވެސް، އެއީ ސުވަރުގެއަށް މަގުފަހިކޮށްދޭ އަގުހުރި ޖިހާދެއްކަން ހުތުބާގައި ފާހަގަކުރެއްވިއެވެ. ތައުލީމުގެ މަގްސަދަކީ ހަމައެކަނި ވަޒީފާއަކަށް ތައްޔާރުވުން ނޫން ކަމަށާއި، އެއީ އިންސާނާގެ ބުއްދިއާއި އަހުލާގު ސާލިހުކޮށްދޭ ވަށައިޖެހޭ ތަރުބިއްޔަތަކަށް ވާންޖެހޭނެ ކަމަށް ވިދާޅުވިއެވެ.
މުދައްރިސުންނަކީ ދަރިވަރުންގެ ހިތްތަކުގައި އީމާންކަމާއި އަހުލާގުގެ ބިންގާ އަޅައިދޭންޖެހޭ މުރައްބީން ކަމަށާއި، ކޮންމެ މާއްދާއެއް ކިޔަވައިދިންކަމުގައި ވިޔަސް އިސްލާމީ އުސޫލުތަކަށް އިސްކަންދިނުމަށް ހުތުބާގައި ގޮވާލެއްވިއެވެ. ބެލެނިވެރިންނަށް އިލްތިމާސްކުރެއްވީ ހަމައެކަނި ތަކެތި ހޯދައިދިނުމުގެ ބަދަލުގައި، ދަރިންގެ ނަފުސާނީ އަދި ޖިސްމާނީ ދުޅަހެޔޮކަމަށް ސަމާލުކަންދީ، ކާމިޔާބީއާއި ނާކާމިޔާބީގައިވެސް ދަރިންނަށް ހިތްވަރުދޭ އައްޑަނައަކަށް ވުމަށެވެ.
ކަމާބެހޭ އިދާރާތަކުން ތައުލީމީ ސިޔާސަތުތަކާއި މަންހަޖުތައް އިލާހީ މަންހަޖާ އެއްގޮތަށް، ޒަމާނާ ގުޅޭގޮތަށް ބައްޓަންކުރުމަކީ އަންނާން އޮތް ޖީލުތަކަށްޓަކައި އަދާކުރަންޖެހޭ ބޮޑު އަމާނާތެއްކަން ހުތުބާގައި ހަނދާންކޮށްދެއްވިއެވެ. އުންމަތް މިއަދު ބޭނުންވަނީ ދީނީ އަދި ދުންޔަވީ އިލްމުގެ މާހިރުން ހިމެނޭ، އިހުލާސްތެރި އަދި ގައުމީ މަސްލަހަތު އިސްކުރާ އަދުލުވެރި ޖީލެއް ބިނާކުރުމަށް ކަމަށްވެސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0