Read Time:1 Minute, 57 Second
(ފޮޓޯ ކްރެޑިޓްސް: މުޙައްމަދު ނަޝާޙް / ފޭސްބުކް)
ކ. ކާށިދޫ ފަޅާއި ނ. ފަރުމުލީގައި ރިސޯޓު ތަރައްޤީކުރާނެ ފަރާތެއް ހޯދުމަށް ފަތުރުވެރިކަމާ ބެހޭ ވުޒާރާއިން ވަނީ އިޢުލާނުކޮށްފައެވެ. މި ދެ މަޝްރޫޢަކީވެސް ފަޅު ހިއްކައިގެން ކުރިއަށްގެންދާ ގޮތަށް ހަމަޖެހިފައިވާ ކަންކަމެވެ. އެގޮތުން ކާށިދޫ ފަޅުން 10 ހެކްޓަރުގެ ރަށެއް ހިއްކައިގެން 100 އެނދުގެ ރިސޯޓެއް، އަދި ފަރުމުލިން 15 ހެކްޓަރުގެ ރަށެއް ހިއްކައިގެން 150 އެނދުގެ ރިސޯޓެއް ތަރައްޤީކުރަން ޖެހެއެވެ.
މި ފަޅުތައް 50 އަހަރަށް ކުއްޔަށް ދޫކުރާއިރު، ބިން ދޫކުރާތާ 36 މަސް ތެރޭގައި އަމަލީ މަސައްކަތް ފަށަންޖެހެއެވެ. މިކަމަށް ޝައުޤުވެރިވާ ފަރާތްތަކަށް މަޢުލޫމާތު ދިނުމަށް ފެބުރުވަރީ 16 އަދި މާރިޗު 3 ގައި ވަރޗުއަލް ބައްދަލުވުންތަކެއް ބޭއްވުމަށް ވަނީ ހަމަޖެހިފައެވެ. ބީލަން ފޮތް ފެބުރުވަރީ 1 އިން މާރިޗު 31 އާ ހަމައަށް ވިއްކާއިރު، ބީލަން ހުށަހެޅުމުގެ ސުންގަޑިއަކީ އޭޕްރީލް 1 އެވެ. އިތުރު މަޢުލޫމާތު ސާފުކުރުމުގެ ފުރުޞަތު މާރިޗު 29 ގެ ނިޔަލަށް ވަނީ ހުޅުވާލާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0