Read Time:1 Minute, 31 Second
ފުރަތަމަ ފަހަރަށް ބޭއްވި ސާފް ފުޓްސަލް ޗެމްޕިއަންޝިޕް ކާމިޔާބުކުރި ރާއްޖޭގެ ގައުމީ ފުޓްސަލް ޓީމު އެނބުރި ރާއްޖެ އައުމުން ރަސްމީ ފެންވަރުގައި ހޫނު މަރުހަބާއެއް ކިޔައިފިއެވެ. ވެލާނާ އިންޓަނޭޝަނަލް އެއާޕޯޓުން ޓީމަށް މަރުހަބާ ދެންނެވީ ކުޅިވަރާ ބެހޭ ވަޒީރު ޢަބްދުﷲ ރާފިޢު އާއި އެފްއޭއެމްގެ ރައީސް އަޙްމަދު ޠާރިޤެވެ. ޓީމުގެ ކާމިޔާބީ ފާހަގަކުރުމުގެ ގޮތުން މިރޭ 9:30 ގައި އާޓިފިޝަލް ބީޗުގައި ޚާއްޞަ ރަސްމިއްޔާތެއް ބޭއްވުމަށް ވަނީ ހަމަޖެހިފައެވެ. މި ހަރަކާތުގައި ހަވާއެރުވުމާއި ބޮޑުބެރުގެ އިތުރުން ކުޅުންތެރިންނާއި ޓްރޮފީއާއެކު ފޮޓޯ ނެގުމުގެ ފުރުސަތު އާންމުންނަށް ލިބޭނެއެވެ. ކުޅިވަރު ވަޒީރު ވަނީ ވީހާވެސް ގިނަ ބަޔަކު ގައުމީ ރޫހުގައި މި ހަރަކާތުގައި ބައިވެރިވުމަށް އެދިވަޑައިގެންފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0