މުހިއްމީ ރައްޔިތުން ބޭނުންވާ ކަންކަން ސަރުކާރާއި ހަމައަށް ގެންދިއުން

Read Time:4 Minute, 21 Second

ރައްޔިތުން ބޭނުންވާ ކަންކަން ސަރުކާރާއި ހަމައަށް ގެނެސްދޭނެ ލޯކަލް ކައުންސިލްތައް އިންތިޚާބުކުރުން މުހިއްމުކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު ވިދާޅުވެއްޖެއެވެ. ރައީސުލްޖުމްހޫރިއްޔާގެ އަނބިކަނބަލުން މިހެން ވިދާޅުވީ މާފަންނު ދެކުނު ދާއިރާގެ ކެމްޕެއިން ޖަގަހަ ހުޅުވުމަށް ބޭއްވި ޖަލްސާގައި ވާހަކަފުޅު ދައްކަވަމުންނެވެ. ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު ވިދާޅުވީ ޕީއެންސީގެ ފަރާތުން އިންތިޚާބަށް ވާދަކުރައްވާ ކެނޑިޑޭޓުންނަކީ އިތުރު ތަޢާރަފެއް ބޭނުންވާ ކެނޑިޑޭޓުން ނޫންކަމަށާއި، އެ ބޭފުޅުންނަކީ ރައްޔިތުންގެ އިޚްތިރާމާއި ލޯބި ލިބިފައިވާ ކެނޑިޑޭޓުންކަމަށެވެ.

ރައީސްގެ އަނބިކަނބަލުން ވިދާޅުވީ އަދުގެ ރައީސަކީ ހީވާގި ވެރިއެއްކަން ރައްޔިތުން ޤަބޫލުކުރައްވާނެކަމަށާއި، ކައުންސިލްތަކަށް ބޭނުންވަނީ ހިވާގި ވެރިއަކާއެކު މަސައްކަތްކުރާނެ ކައުންސިލްތަކެއްކަމަށެވެ. އަދި ސަރުކާރާއި ދެކޮޅަށް މަސައްކަތް ކުރާނެކަމަށް ވިދާޅުވާ ބޭފުޅުން ކައުންސިލްތަކަށް އިންތިޚާބުކޮށްގެން ރައްޔިތުންނަށް ލިބޭނެ ފައިދާއެއް ނެތްކަމަށެވެ. “މިއަދު އަޅުގަނޑުމެން މި މަސައްކަތް ކުރަން މިޖެހެނީ، އަދުގެ ސަރުކާރުން މިދަނީ ރަނގަޅު ސިޔާސަތުތަށްކަން ކޮންމެ މީހަކަށް އެެބަ އެނގޭ. ބޭނުންވަނީ ކިޔަވައިގެން ތިބި ހީވާގި ސިޔާސީ ބަޔަކު ނިކުންނަން. ދީނީ ކަންކަމުގައި ސަރުކާރުން ގެންގުޅުއްވާ އުސޫލުތައް ހުރިހާ ބޭފުޅުންވެސް ޤަބޫލުކުރައްވާނެ. އިޖްތިމާއީ ބޮޑެތި މައްސަލަތަކަށް ހައްލު ގެނައުމަށް ވަރަށް އުނދަގޫ ނިންމެވުންތައް ނިންމަވަމުން ރައީސުލްޖުމްހޫރިއްޔާ އެ ގެންދަވަނީ. އެފަދަ ސަރުކާރަކަށް އެއްބާރުލުން ދޭ ބަަޔަކު އިންތިޚާބުނުކޮށްފިނަމަ އޭގެ ގެއްލުން ހުރިހާ ރައްޔިތުންނަށް ކުރާނެ” ރައީސްގެ އަނބިކަނބަލުން ވިދާޅުވިއެވެ.

ރައީސްގެ އަނބިކަނބަލުން ވިދާޅުވީ ކުރިއަށް އޮތް ލޯކަލް ކައުންސިލް އިންތިޚާބުގައި ރައްޔިތުންނަށް ފައިދާވާނެ މަސައްކަތްކޮށްދޭނެ ކެނޑިޑޭޓުން އިންތިޚާބުކުރުން ވަރަށް މުހިއްމުކަމަށެވެ. އަދި އެކަމަށްޓަކައި ރައްޔިތުން ބޭނުންވާ ކަންކަން ސަރުކާރާއި ހަމައަށް ގެެނެސްދޭނެ ކައުންސިލްތަކެއް ބޭނުންވާނެކަމަށާއި، އެހެންކަމުން ސަރުކާރުން އެއްބާރުލުން ދޭނެ ކެނޑިޑޭޓުން އިންތިޚާބުކޮށްދެއްވުމަށް ރައީސްގެ އަނބިކަނބަލުން އެދިވަޑައިގެންނެވިއެވެ.