Read Time:2 Minute, 25 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ކާރިސާތަކުން ލިބޭ ގެއްލުންތައް ރިޕޯޓުކުރުމާއި ތަފާސްހިސާބު ބެލެހެއްޓުން ހަރުދަނާކުރުމަށްޓަކައި، ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން ‘ޑެމޭޖް އެސެސްމަންޓް އެންޑް ލޮސް އެނަލިސިސް’ (ޑާލާ) ޕޯޓަލް އިފްތިތާހްކޮށްފިއެވެ. ޔޫއެންޑީޕީ އާއި ބޭރުގެ އެހީތެރިކަމާއެކު ތަރައްޤީކުރި މި ޕޯޓަލްގެ ސަބަބުން، ކުރިން މެނުއަލްކޮށް ކުރަމުންދިޔަ މަސައްކަތްތައް ޑިޖިޓަލްވެ، ގެއްލުންތައް ވަޒަންކުރުމާއި ބަދަލުދިނުމުގެ މަރުހަލާތައް އަވަސްވެފައިވާނެއެވެ.
މި ޕޯޓަލް އިފްތިތާހްކޮށްދެއްވަމުން ދަޚީލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙްސާން ވިދާޅުވީ، މިއީ ރައީސުލްޖުމްހޫރިއްޔާގެ ‘މޯލްޑިވްސް 2.0’ ސިޔާސަތުގެ ދަށުން ކުރެވުނު މުހިންމު މަސައްކަތެއް ކަމަށާއި، މީގެ ސަބަބުން ކާރިސާތަކަށް އިޖާބަދިނުމާއި ތައްޔާރުވުމަށް ބޮޑު އެހީތެރިކަމެއް ލިބޭނެ ކަމަށެވެ. އެންޑީއެމްއޭއިން ހާމަކުރި ގޮތުގައި، މިހާރު މި ޕޯޓަލް ބޭނުންކުރަން ފަށާފައިވާއިރު، ވޭތުވެދިޔަ 5 އަހަރުގެ ކާރިސާތަކުގެ މަޢުލޫމާތުވެސް ވަނީ ޕޯޓަލްއަށް އަދާހަމަކޮށްފައެވެ. އަދި މި ނިޒާމުގެ ސަބަބުން ކައުންސިލްތަކާއި ކަމާބެހޭ އިދާރާތަކަށް ހުރިހާ ތަފްސީލެއް އެއްތަނަކުން ފެންނަން ހުންނާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0