Read Time:1 Minute, 58 Second
(ފޮޓޯ ކްރެޑިޓްސް: އެޕީއެލް)
ރާއްޖެއަށް އަންނަ ބައިނަލްއަގުވާމީ އާގު ބޯޓުފަހަރަށް 24 ގަޑިއިރު ޕޯޓް ލިމިޓަށް ވަދެވޭގޮތަށް ސަރުކާރުން މިހާރު ވަނީ އުސޫލު ބަދަލުކޮށްފައެވެ. 1988 ވަނަ އަހަރުން ފެށިގެން އަމަލުކުރަމުން އައި އުސޫލު ބަދަލުކުރުމާ ގުޅިގެން، ރޭގަނޑު 12 ގެ ފަހުން އަންނަ އުޅަނދުތައް ހެނދުނު 6 ޖަހަންދެން ބޭރުގައި މަޑުކުރަން ނުޖެހޭނެއެވެ. މީގެ ސަބަބުން ވަގުތު ސަލާމަތްވެ، ބޯޓުފަހަރު ދުއްވާ ފަރާތްތަކުގެ ޚަރަދުތައް ކުޑަވެގެންދާނެއެވެ. މި ބަދަލާއެކު ކްލިއަރެންސް ދިނުމާއި ޕައިލޮޓޭޖްގެ ޚިދުމަތްތައްވެސް މެދުނުކެނޑި 24 ގަޑިއިރު ލިބޭނެ އިންތިޒާމު ވަނީ ހަމަޖައްސާފައެވެ. މިއީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ ހަރުދަނާ ސިޔާސަތުގެ ދަށުން، ރާއްޖޭގެ އިޤްތިޞާދު ކުރިއަރުވައި ވިޔަފާރިތަކަށް ލުއިފަސޭހަކޮށްދިނުމަށް އެޅުނު މުހިންމު ފިޔަވަޅެކެވެ. މީގެ އިތުރުން، ވައިގެ މަގުން އަންނަ މުދާ ކްލިއަރކުރުމުގެ ޚިދުމަތާއި ޑެމަރޭޖް ނާރާ ވަގުތަށްވެސް މި ސަރުކާރުން ވަނީ ހެޔޮ ބަދަލުތަކެއް ގެނެސްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0