Read Time:2 Minute, 2 Second
ނިމިދިޔަ ޑިސެންބަރު މަހު ރާއްޖޭގެ ރިސޯޓުތަކުން ދިން ސަރވިސް ޗާޖުތަކަށް ބަލާއިރު، އެންމެ ބޮޑު އަދަދެއް ދީފައިވަނީ ވޮލްޑޯފް އެސްޓޯރިއާ އިތާފުށި މޯލްޑިވްސްއިންނެވެ. އެ ރިސޯޓުގެ ކޮންމެ މުވައްޒަފަކަށް ސަރވިސް ޗާޖުގެ ގޮތުގައި 4,117 ޑޮލަރު (63,484 ރުފިޔާ) ލިބިފައިވާއިރު، މިއީ މި ފަހުން ރިސޯޓު މުވައްޒަފުންނަށް އެންމެ ގިނައިން ފައިސާ ލިބުނު އެއް މަހެވެ. މީގެ އިތުރުން ރާއްޖޭގެ އިތުރު 8 ރިސޯޓަކުން 1,000 ޑޮލަރަށްވުރެ މަތިން ސަރވިސް ޗާޖު ދީފައިވާކަން ރިސޯޓު ވޯކާސް މޯލްޑިވްސްގެ ތަފާސްހިސާބުތަކުން ދައްކައެވެ.
ވަޒީފާއާ ބެހޭ ގާނޫނު ބުނާގޮތުން ފަތުރުވެރިކަމުގެ ހިދުމަތްތަކުން މަދުވެގެން 10 އިންސައްތަ ސަރވިސް ޗާޖުގެ ގޮތުގައި ނަގައި، ހުރިހާ މުވައްޒަފުންގެ މެދުގައި ހަމަހަމައަށް ބަހަންޖެހެއެވެ. އާންމުގޮތެއްގައި ޑޮލަރުން މި ފައިސާ ދެމުން އައި ނަމަވެސް، މިހާރު ބައެއް ރިސޯޓުތަކުން ދިވެހި ރުފިޔާއިންވެސް ސަރވިސް ޗާޖު ދެމުންގެންދެއެވެ. މިދިޔަ މަހު ގިނަ ރިސޯޓުތަކުން މުވައްޒަފުންނަށް ބަހާފައިވަނީ 500 އާއި 1,000 ޑޮލަރާ ދެމެދުގެ އަދަދުތަކެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0