ޔުނައިޓެޑް މޮޅުވީ ކެތްތެރިވެ، ކުރި ހިތްވަރުން: ކެރިކް

Read Time:3 Minute, 17 Second

ޓޭބަލުގެ އެއްވަނާގައި އޮތް އާސެނަލް އަތުން މެންޗެސްޓާ ޔުނައިޓެޑް މޮޅުވީ ކެތްތެރިވެ، މޮޅުވާން ކުރި ހިތްވަރުން ކަމަށް ޔުނައިޓެޑްގެ ކޯޗު މައިކަލް ކެރިކް ބުނެފި އެވެ. އޭނާ ކޯޗުކަމާ ހަވާލުވެގެން ކުޅުނު ދެ ވަނަ މެޗުން ވެސް މޮޅުވުމުން ކޯޗު ބުނީ އާސެނަލް އަކީ ލީގުގައި އޮތް އެންމެ ވަރުގަދަ ޓީމު ކަމަށާއި މިހެންވެ މި މެޗުގެ ފަސޭހަ ނުވާނެކަން މީގެ 10 ދުވަސް ކުރިން ކުޅުންތެރިން ވެސް ގަބޫލު ކުރި ކަމަށެވެ. “މި މެޗުގައި ކަންކަން އަހަރުމެން ބޭނުންވާނެ ގޮތަކަށް ނުދާނެ ކަމަށް ވިސްނައިގެން ކުޅުނީ. މެޗުން މޮޅުވި އެންމެ މުހިންމު ކަމަކީ އަހަރުމެން ކެތްތެރިވެ އަބަދުވެސް ގޭމުގެ ތެރޭގައި ތިބުން. މެޗު ހިނގަމުންދިޔަ ގޮތް އަހަރުމެންނަށް ދެނެގަނެ، ވިސްނުންތެރިކަމާއެކު ކުޅުނީ. މިއީ ލިބުނު ފުރުސަތުތައް ބޭނުން ކުރެވުނު ސަބަބަކީ ވެސް،” ކެރިކް ބުންޏެވެ.

އޭނާ ބުނީ ޓޭބަލުގެ ހަތަރު ވަނަ އަށް ޔުނައިޓެޑް ކުރިއަށް ޖެހުނު ނަމަވެސް ކުރިއަށް ގިނަ މެޗުތަކެއް ހުރުމުން ކުޅުން ވަރަށް ބޮޑަށް ރަނގަޅު ކުރަން ޖެހޭ ކަމަށެވެ. އާޓެޓާ ބުނީ އޭނާގެ ކޯޗުކަމުގައި މިވީ މަދު ދުވަސްކޮޅުގެ ތެރޭގައި އޭނާ މަސައްކަތް ކުރީ ޔުނައިޓެޑްގެ ކުޅުންތެރިންނާ ގުޅިގެން އެ މީހުންނަށް ހިތްވަރު ދީގެން ކަމަށެވެ. “ފެންނާނެ މި މެޗުގައި ބެންޗުން އެރި ކުޅުންތެރިން ވެސް ޓީމު ވަންތަކޮށް ކުޅުނުކަން. ވަރަށް އެކުވެރިކަމާއެކު މަސައްކަތް ކުރީ. އަހަރެން މަސައްކަތް ކުރީ ކުޅުންތެރިންނާއި ޓީމުގެ އެހެން މެމްބަރުންނަށް ކްރެޑިޓް ދީގެން މަސައްކަތް ކުރަން. ވަރަށް މުހިންމު ކަމެއް ޓީމު ވަންތަ ކަމާއި އެކުވެރިކަން،” ކެރިކް ބުންޏެވެ.

މި މޮޅާއެކު ޔުނައިޓެޑް މިވަގުތު އޮތީ ޓޭބަލުގެ ހަތަރު ވަނާގަ އެވެ. އެއީ 38 ޕޮއިންޓާއެކުގަ އެވެ. މިއީ އެއްވަނާގައި އޮތް އާސެނަލް އަށް ވުރެ 16 ޕޮއިންޓް މަދު އަދަދެކެވެ.