Read Time:2 Minute, 54 Second
މި އަހަރު ބާއްވާ 20 އަހަރުން ދަށުގެ ސާފް ޗެމްޕިއަންޝިޕްގައި ދިވެހިރާއްޖެ، މުބާރާތުގައި ގްރޫޕް އޭ ގައި ކުޅެން ޖެހިއްޖެއެވެ. މުބާރާތުގައި ޓީމުތައް އެތުރޭގޮތް ކަނޑައެޅުމަށް އާދިއްތަ ދުވަހު ވަނީ ގުރު ނަގާފައެވެ. މި ފަހަރުގެ މުބާރާތުގައި ޖުމްލަ ހަތް ގައުމަކުން ވާދަކުރެއެވެ. އެއީ ދިވެހިރާއްޖޭގެ އިތުރުން، އިންޑިއާ، ބަންގްލަދޭޝް، ނޭޕާލް، ޕާކިސްތާން، ބޫޓާން އަދި ސްރީލަންކާއެވެ. މުބާރާތް ކުރިއަށްދާނީ ގްރޫޕް ސްޓޭޖުގައި، ހަތް ގައުމު ދެ ގުރޫޕަކަށް ބަހާލައިގެން މެޗުތައް ކުޅޭ ގޮތަށެވެ. އެއް ގުރޫޕުގައި ހަތަރު ޓީމު ހިމެނޭއިރު އަނެއް ގުރޫޕުގައި ކުޅޭނީ ތިން ޓީމެވެ.
ރާއްޖެ ހިމެނުނު ގްރޫޕް އޭގައި ދެން ހިމެނެނީ ނޭޕާލާއި ބޫޓާނުގެ އިތުރުން ސްރީލަންކާއެވެ. ގްރޫޕް ބީގައި ހިމެނެނީ، އިންޑިއާ، ބަންގްލަދޭޝް އަދި ޕާކިސްތާނެވެ. މިފަހަރުގެ މުބާރާތް ބާއްވަނީ ރާއްޖޭގައެވެ. 20 އަހަރުން ދަށުގެ ސާފް ޗެމްޕިއަންޝިޕް އޮންނާނީ އަންނަ މާޗު މަހުގެ 22 އިން ފެށިގެން އޭޕްރީލް 3 ގެ ނިޔަލަށެވެ. ރާއްޖޭގައި މީގެ ކުރިންވެސް ވަނީ ބައިނަލްއަގުވާމީ ގިނަ މުބާރާތްތަކެއް ބާއްވާފައެވެ. އެގޮތުން ސާފްގެ މުބާރާތްތަކަށް ބަލާއިރު، ސްރީ ލަންކާއާ ގުޅިގެން 2008 ވަނަ އަހަރު ބޭއްވި ސާފް ޗެމްޕިއަންޝިޕާއި، 2021 ވަނަ އަހަރުގެ ސާފް ޗެމްޕިއަންޝިޕް ހިމެނެއެވެ.
އަދި މިއީ 2019 ވަނަ އަހަރުގެ ފަހުން ރާއްޖޭގައި ހޯސްޓްކުރާ އުމުރުފުރާއެއްގެ ގައުމީ ޓީމުގެ ފުރަތަމަ މުބާރާތެވެ. މީގެ ކުރިން 2019 ވަނަ އަހަރުގެ ޖުލައި މަހު އައްޑޫ ސިޓީގައި ވަނީ ޔުއެފާ އެސިސްޓް 15 އަހަރުން ދަށުގެ މުބާރާތެއް ބާއްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0