Read Time:2 Minute, 18 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ނިމިދިޔަ 2025 ވަނަ އަހަރަކީ ރާއްޖޭގެ ތާރީޚުގައި ދައުލަތުގެ ބަޖެޓުން އެންމެ ބޮޑު ހޭދައެއް ލޯނު ދެއްކުމަށް ކުރި އަހަރެވެ. އެގޮތުން ލޯނުތަކަށް ޖުމްލަ 5.1 ބިލިޔަން ރުފިޔާ ހޭދަކޮށްފައިވާއިރު، މީގެ ތެރެއިން 4.6 ބިލިޔަން ރުފިޔާ އަކީ އިންޓްރެސްޓްގެ ގޮތުގައި ދެއްކި ފައިސާއެވެ. މިއީ 2024 ވަނަ އަހަރާ އަޅާބަލާއިރު 121.7 އިންސައްތައިގެ ބޮޑު އިތުރުވުމެކެވެ. މާލީ ވުޒާރާގެ ތަފާސްހިސާބުތަކުން ދައްކާގޮތުގައި، ދައުލަތުގެ ޚަރަދުތައް ކޮންޓްރޯލްކޮށް އާމްދަނީ އިތުރުކުރުމަށް އެޅި ފިޔަވަޅުތަކާއެކު، ބަޖެޓު ޑެފިސިޓް ވަނީ 13.1 ބިލިޔަނުން 3.5 ބިލިޔަން ރުފިޔާއަށް ކުޑަކުރެވިފައެވެ. އަދި ފަހުގެ ތާރީޚެއްގައި ފުރަތަމަ ފަހަރަށް ޕްރައިމަރީ ބެލެންސް 1.2 ބިލިޔަން ރުފިޔާގެ ސަރޕްލަސްއެއްގައި ނިންމާލެވިފައިވާކަން އެ ވުޒާރާއިން ފާހަގަކުރެއެވެ.
ދަރަނި ދެއްކުމުގައި ސަރުކާރުން ގެންގުޅުނު ހަރުދަނާ ސިޔާސަތުގެ ސަބަބުން ބައިނަލްއަގްވާމީ މާލީ ބާޒާރުގައި ރާއްޖޭގެ ސުކޫކުގެ އަގު އުފުލި، އިންވެސްޓަރުންގެ އިތުބާރު ވަނީ ބޮޑުވެފައެވެ. މިއަހަރުގެ ބަޖެޓުގައިވެސް މުއްދަތު ހަމަވާ ސުކޫކު އަނބުރާ ދެއްކުމަށް 9.3 ބިލިޔަން ރުފިޔާ ވަނީ ކަނޑައަޅާފައެވެ.
Happy
0 %
Sad
0 %
Excited
0 %
Sleepy
50 %
Angry
50 %
Surprise
0 %
0
0