Read Time:2 Minute, 1 Second
(ފޮޓޯ ކްރެޑިޓްސް: އެމްއެންޑީއެފް)
ރާއްޖޭގައި ހެލިކޮޕްޓަރުގެ ޚިދުމަތް ދިނުމަށް ޝައުގުވެރިވާ ފަރާތްތަކަށް، އުސޫލުތަކަށް ބަދަލުތަކެއް ގެނައުމަށްފަހު ސަރުކާރުން އަލުން ފުރުޞަތު ހުޅުވާލައިފިއެވެ. މި ބަދަލުތައް ގެނައީ ކުރިން ހުރި ބައެއް ޝަރުތުތަކާ ގުޅިގެން އޮޕަރޭޓަރުންގެ ހުރި ޝަކުވާތަކަށް ހައްލު ހޯދައިދިނުމަށެވެ. އައު އުސޫލުގެ ދަށުން، ވިޔަފާރި އުސޫލުން ޚިދުމަތް ދިނުމުގެ އިތުރުން، ސިއްޙީ ކުއްލި ހާލަތްތަކުގައި ފުރަތަމަ ތިން އަހަރު މަހަކު 50 ގަޑިއިރު ހިލޭ ޚިދުމަތް ދޭންޖެހެއެވެ. ނަމަވެސް ސަރޗް އެންޑް ރެސްކިއު އޮޕަރޭޝަންތަކަށް ސަރުކާރުން އަގު ދައްކާނެއެވެ.
މި ޚިދުމަތަށް ހޮވޭ ފަރާތްތަކަށް 10 އަހަރުގެ ހުއްދައެއް ދޫކުރާއިރު، ކުރިމަތިލެވޭނީ މަދުވެގެން 5 އަހަރުގެ ތަޖުރިބާހުރި، ރާއްޖޭގެ ކުންފުންޏަކާ ގުޅިގެން މަސައްކަތްކުރާ ފަރާތްތަކަށެވެ. ޕްރޮޕޯސަލް ހުށަހެޅުމުގެ ސުންގަޑިއަކީ އަންނަ މާރިޗު 25 އެވެ. ހޮވޭ ފަރާތްތަކުން ޖޫން މަހު އެއްބަސްވުމުގައި ސޮއިކޮށް، އެންމެ ލަސްވެގެން ނޮވެމްބަރު 2027 ގައި ޚިދުމަތް ފަށަންޖެހޭނެއެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0