Read Time:2 Minute, 9 Second
ސާފް ފުޓްސަލް ޗެމްޕިއަންޝިޕް 2026 ގެ ފަޚުރުވެރި އެއްވަނަ ރާއްޖޭގެ ގައުމީ ފުޓްސަލް ޓީމުން ހޯދުމާ ގުޅިގެން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޓީމަށް މަރުޙަބާ ވިދާޅުވެއްޖެއެވެ. ރައީސް ވިދާޅުވީ ކުޅުނު ކޮންމެ މެޗަކުން މޮޅުވެ، ބައިނަލްއަޤްވާމީ މިފަދަ މުބާރާތެއް ކާމިޔާބުކުރުމަކީ ތާރީޚީ ފަޚުރެއް ކަމަށާއި، މިއީ ގައުމީ ރޫޙުގައި ހޯދި ނަމޫނާ ކާމިޔާބީއެއް ކަމަށެވެ. ރާއްޖެއިން މުބާރާތުގެ ޗެމްޕިއަންކަން ކަށަވަރުކުރީ ބޫޓާނާ ބައްދަލުކުރި މެޗު 1-3 އިން ކާމިޔާބުކޮށްގެންނެވެ. ބޫޓާނުން ފުރަތަމަ ލަނޑު ޖަހާފައިވަނިކޮށް، ރާއްޖެއިން ވަނީ ފަހަތުން އަރައި ތިން ލަނޑު ޖަހާފައެވެ. މި ލަނޑުތައް ކާމިޔާބުކޮށްދިނީ އަބްދުﷲ ޖުނައިދު، އަހްމަދު ހަމީދު އަދި ކެޕްޓަން މުޙައްމަދު އިމްރާން އެވެ.
ބާކީ އެއް މެޗު އޮއްވައި ރާއްޖެއިން މި ތަށި ކާމިޔާބުކުރީ ކުޅުނު ފަސް މެޗުން ވެސް މޮޅުވެ 15 ޕޮއިންޓް ހޯދައިގެންނެވެ. ތާވަލުގެ ދެވަނައިގައި އޮތް ޕާކިސްތާނަށް ބާކީ އޮތް މެޗުން މޮޅުވިޔަސް ރާއްޖެއާ އަރާ ހަމަނުކުރެވޭނެއެވެ. މިއީ ބައިނަލްއަގްވާމީ ފުޓްސަލް މުބާރާތަކުން ރާއްޖެއަށް ލިބުނު ފުރަތަމަ ރަން ވަނައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0