Read Time:1 Minute, 44 Second
ޤައުމީ ފުޓްސަލް ޓީމުން ސާފް ފުޓްސަލް ޗެމްޕިއަންޝިޕް ކާމިޔާބުކުރުމަކީ ރާއްޖޭގެ ކުޅިވަރުގެ ރޫހު އާލާވެ، އެހެނިހެން ކުޅިވަރުތަކަށްވެސް އޭގެ ފައިދާ ކުރާނެ ތާރީޚީ ކާމިޔާބީއެއް ކަމަށް ކުޅިވަރާ ބެހޭ ވަޒީރު ޢަބްދުﷲ ރާފިޢު ވިދާޅުވެއްޖެއެވެ. އެއްވެސް މެޗަކުން ބަލިނުވެ ހޯދި މި ކާމިޔާބީ ދެމެހެއްޓުމަށްޓަކައި، ފުޓްސަލް ކުޅުންތެރިންނަށް ކުރިމަތިވެފައިވާ އިންޑޯ ކޯޓެއް ނެތުމުގެ މައްސަލަ ހައްލުކޮށްދެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޚާއްޞަ އިސްކަމެއް ދެއްވައިގެން މަސައްކަތް ކުރައްވަމުންދާކަން ވަޒީރު ފާހަގަކުރެއްވިއެވެ. މިގޮތުން، އެފްއޭއެމްއާ ގުޅިގެން އިންޑޯ ފެސިލިޓީއެއް ގާއިމުކުރުމުގެ މަޝްވަރާތަކާއި ޕްލޭންތައް މިހާރު ދަނީ ކުރެވެމުންނެވެ. ބޫޓާން ބަލިކޮށް މުބާރާތުގެ ތަށި ކަށަވަރުކުރި ގައުމީ ޓީމު އެނބުރި ރާއްޖެ އައުމަށް ހަމަޖެހިފައިވަނީ މި މަހުގެ 27 ވަނަ ދުވަހުއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0