Read Time:2 Minute, 3 Second
(ފޮޓޯ ކްރެޑިޓްސް: އެފްއޭއެމް)
ފުރަތަމަ ފަހަރަށް ބޭއްވި ސާފް ފުޓްސަލް ޗެމްޕިއަންޝިޕްގެ ފިރިހެން ޑިވިޝަނުގެ ޗެމްޕިއަންކަން، ބޫޓާން ބަލިކޮށް ދިވެހިރާއްޖެއިން ކާމިޔާބުކޮށްފިއެވެ. ބެންކޮކުގައި ކުޅުނު މި މެޗު ރާއްޖެއިން ކާމިޔާބުކުރީ 1-3 ގެ ނަތީޖާއަކުންނެވެ. ބޫޓާނުން ފުރަތަމަ ލަނޑު ޖަހައި ލީޑު ނަގާފައި ވަނިކޮށް، ރާއްޖެއިން ވަނީ ފަހަތުން އަރައި ތިން ލަނޑު ޖަހާފައެވެ. ރާއްޖޭގެ ލަނޑުތައް ކާމިޔާބުކޮށްދިނީ އަބްދުﷲ ޖުނައިދު (ޖެންނޭ)، އަހްމަދު ހަމީދު (އައްމަޑޭ) އަދި ކެޕްޓަން މުޙައްމަދު އިމްރާން (އިންމި) އެވެ.
މިހާތަނަށް ކުޅުނު ފަސް މެޗުން ވެސް މޮޅުވެ 15 ޕޮއިންޓާއެކު ރާއްޖެއިން ތަށި ކަށަވަރުކުރީ ބާކީ އެއް މެޗު އޮއްވައެވެ. މިއީ ބައިނަލްއަގްވާމީ ފުޓްސަލް މުބާރާތަކުން ރާއްޖެއިން ހޯދި ފުރަތަމަ ކާމިޔާބީއެވެ. ތާވަލުގެ ދެވަނައިގައި އޮތް ޕާކިސްތާނަށް ދެން އޮތް މެޗުން މޮޅުވި ނަމަވެސް ރާއްޖެއާ އަރާ ހަމަނުކުރެވޭނެތީ، މި މުބާރާތުގެ ރަން މެޑަލް ރާއްޖެއަށް މިވަނީ ކަށަވަރުވެފައެވެ. މިއީ ރާއްޖޭގެ ފުޓްސަލް ތާރީޚުގައި ލިބުނު ފަޚުރުވެރި ކުރިއެރުމެކެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0