Read Time:1 Minute, 52 Second
(ފޮޓޯ ކްރެޑިޓްސް: ފޭސް ޖަމިއްޔާ)
ރާއްޖޭގައި ބާއްވާ ކުޅިވަރު މުބާރާތްތަކުގެ ސަބަބުން ގައުމުގެ އިޖުތިމާއީ ފޭރާން ވަރުގަދަވާކަމަށް ރައީސުލްޖުމްހޫރިއްޔާގެ ނައިބު އަލްއުސްތާޒް ހުސައިން މުހައްމަދު ލަތީފް ވިދާޅުވެއްޖެއެވެ. ގދ. ފިޔޯރީގައި ބޭއްވި “ބީފާން 2026” ވޮލީބޯޅަ މުބާރާތުގެ ފިރިހެން ޑިވިޝަނުގެ ފައިނަލް މެޗު ޝަރަފުވެރިކޮށްދެއްވައި ވާހަކަފުޅު ދައްކަވަމުން ނައިބު ރައީސް ވިދާޅުވީ، ކުޅިވަރުގެ ސަބަބުން ރަށްރަށުގައި އެއްބައިވަންތަކަމާއި އެކުވެރިކަމުގެ ރޫހު އާލާވެ، ފަރުދުންގެ މެދުގައި އޮންނަ ހިތްހަމަނުޖެހުންތަކާއި ދުރުކޮށްދޭ ކަމަށެވެ. ފުވައްމުލަކުގެ ޑީއެސްއާރުސީ އާއި ރަތަފަންދޫ ވާދަކުރި މި ފައިނަލް މެޗުގެ ޗެމްޕިއަންކަން ހޯދީ ޑީއެސްއާރުސީންނެވެ. މުބާރާތުގެ ވަނަވަނައަށް ދިޔަ ފަރާތްތަކަށް އިނާމު ހަވާލުކޮށްދެއްވީ ނައިބު ރައީސެވެ. މީގެ އިތުރުން ފޭސް ޖަމިއްޔާއިން ވަނީ އެމަނިކުފާނު ދެއްވާ އެހީތެރިކަން ފާހަގަކޮށް ހަނދާނީ ފިލައެއް އަރުވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0