Read Time:2 Minute, 11 Second
(ފޮޓޯ ކްރެޑިޓްސް: ރައީސް އޮފީސް)
ތެލަސީމިއާ ކުދިންނަށް ސަރުކާރުން ދޭ އެލަވަންސް ލިބޭނީ މޯލްޑިވިއަން ބްލަޑް ސާވިސަސްގެ ދަފްތަރުގައި ހިމެނޭ ފަރާތްތަކުގެ ތެރެއިން އެކަމަށް އެދި ހުށަހަޅާ ފަރާތްތަކަށެވެ. އެލަވަންސް ދިނުމުގައި ބަލާނީ ބައްޔަށް ފަރުވާކުރަންޖެހޭ ފަރާތްތަކަށް ކަމަށްވާއިރު، ފަރުވާއަށްފަހު ބަލިން ރަނގަޅުވާ ފަރާތްތަކަށް އެލަވަންސް ނުލިބޭނެއެވެ. އެލަވަންސަށް އެދި ހުށަހަޅަންޖެހެނީ ވަންގަވް މެދުވެރިކޮށް އީފާސް ބޭނުންކޮށްގެންނެވެ. 18 އަހަރުން ދަށުގެ ކުދިންނަށް އެލަވަންސް ހޯދުމަށް ހުށަހަޅާއިރު ބެލެނިވެރިންގެ މަޢުލޫމާތު ފުރިހަމަކުރަންޖެހެއެވެ. މި މަހުގެ އެލަވަންސަށް އެދި ހުށަހެޅުމުގެ ސުންގަޑިއަކީ މިރޭ 12 ޖެހުމާ ހަމައަށެވެ. ނަމަވެސް އަންނަ މަހުން ފެށިގެން ކޮންމެ މަހެއްގެ 15 ވަނަ ދުވަހުގެ ނިޔަލަށް ފޯމު ހުށަހެޅޭނެއެވެ. މި އެލަވަންސަކީ ތެލަސީމިއާ ހުންނަ ފަރާތްތަކުގެ ދިރިއުޅުމުގެ ފެންވަރު މަތިކުރުމަށް ރައީސުލްޖުމްހޫރިއްޔާ ނިންމެވި ނިންމެވުމެކެވެ. މީގެ އިތުރުން ސަރުކާރުން މިހާރު އަންނަނީ ތެލަސީމިއާއަށް ޚާއްޞަ ހޮސްޕިޓަލެއް ތަރައްޤީކުރުމުގެ މަސައްކަތްވެސް ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0