Read Time:1 Minute, 53 Second
(ފޮޓޯ ކްރެޑިިޓްސް: މަސްވެރިކަމާއިބެހޭ ވުޒާރާ)
މިފްކޯގެ ސެންޓަރުތަކާއި ބޯޓުފަހަރަށް 10 ކިލޯއިން މަތީގެ ކަންނެލި ގަންނަން ރަސްމީކޮށް ފަށައިފިއެވެ. އެގޮތުން 10 ކިލޯއާއި 15 ކިލޯއާ ދެމެދުގެ ކަންނެލި ކިލޯއެއް 20 ރުފިޔާއަށް ގަންނަމުންދާއިރު، 15 ކިލޯއިން މަތީގެ ކަންނެލި ގަންނަނީ ކިލޯއެއް 25 ރުފިޔާއަށެވެ. ކަނޑުއޮތްގިރީގެ އިތުރުން ކޫއްޑޫ، އައްޑޫ، ފުވައްމުލައް، ގައްދޫ އަދި ތިނަދޫގައި ހުރި މިފްކޯގެ ވަސީލަތްތަކުން މިހާރު ކަންނެލި ކިރުވޭނެއެވެ. ސަރުކާރުގެ ވައުދާ އެއްގޮތަށް ކަންނެލި ކިރުވާތާ 48 ގަޑިއިރު ތެރޭގައި މަސްވެރިންނަށް ފައިސާ ދޫކުރާނެ ކަމުގެ ޔަގީންކަން މިފްކޯއިން ދެއެވެ. މިއީ އަމިއްލަ ކުންފުނިތަކަށް ކަންނެލި ވިއްކައިގެން ފައިސާ ނުލިބި މަސްވެރިންނަށް ދިމާވާ ގޮންޖެހުންތަކަށް ހައްލެއް ހޯދައިދިނުމަށް އެޅި ފިޔަވަޅެކެވެ. މީގެ އިތުރުން ހުޅުމާލޭގައި ބޮޑުކަންނެލި ޕްރޮސެސިންގ ފެސިލިޓީއެއް ގާއިމުކުރުމުގެ މަސައްކަތްވެސް މިމަހު ފެށުމަށް ވަނީ ހަމަޖެހިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0