Read Time:1 Minute, 49 Second
(ފޮޓޯ ކްރެޑިޓްސް: ސަން)
މާލޭގެ ގަލޮޅު ރަސްމީ ބޯޅަ ދަނޑު ތަޅާލައި، ރާއްޖޭގެ ނޭޝަނަލް ސްޓޭޑިއަމް ހުޅުމާލޭ ފޭސް 1 އަށް ބަދަލުކުރުމަކީ ސަރުކާރުގެ ސިޔާސަތެއް ކަމަށް ކުޅިވަރާ ބެހޭ ވަޒީރު ޢަބްދުﷲ ރާފިޢު ވިދާޅުވެއްޖެއެވެ. ވަޒީރު ވިދާޅުވި ގޮތުގައި ގަލޮޅު ދަނޑަކީ މިހާރު އިންޓަނޭޝަނަލް މިންގަނޑުތަކަށް ފެތޭ ތަނަކަށް ނުވާތީއާއި، ޓްރެފިކާއި ޕާކިން ފަދަ ދަތިތައް ހުރުމުން، އެތަން ތަޅާލުމަށްފަހު އާންމުންނަށް ކުޅިވަރު ކުޅެވޭނެ މަރުކަޒަކަށް ބަދަލުކުރެވޭނެއެވެ. ހުޅުމާލޭގައި އަލަށް ބިނާކުރާ ދަނޑު ވެގެންދާނީ ބައިނަލްއަގުވާމީ ސަލާމަތީ މިންގަނޑުތަކަށް ފެތޭ، ޒަމާނީ ވަސީލަތްތައް ހިމެނޭ ތަނަކަށެވެ. މި މަސައްކަތް މިއަހަރު ތެރޭގައި ފެށުމަށް ހަމަޖެހިފައިވާއިރު، ގަލޮޅު ދަނޑުގައި އަޅާ އާ މަރުކަޒުގެ ކޮންސެޕްޓް ޑިޒައިން ވެސް މިހާރު ވަނީ ނިމިފައެވެ. 1979 ވަނަ އަހަރު ބިނާކުރި ގަލޮޅު ދަނޑަކީ ދިވެހި ފުޓުބޯޅައިގެ ގިނަ ހަނދާންތަކަކާ ގުޅިފައިވާ ތާރީޚީ ބިނާއެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0