Read Time:2 Minute, 6 Second
(ފޮޓޯ ކްރެޑިޓްސް: މޯލްޑިވިއަން)
ވެލާނާ އިންޓަރނޭޝަނަލް އެއާޕޯޓަށްފަހު ރާއްޖެއަށް އެންމެ ގިނަ ފަތުރުވެރިން އެތެރެވަނީ މާފަރު އިންޓަރނޭޝަނަލް އެއާޕޯޓުންކަން ތަފާސްހިސާބުތަކުން ހާމަވެއްޖެއެވެ. މި އަހަރުގެ މިހާތަނަށް ވީއައިއޭއިން 127,486 ފަތުރުވެރިން އައިއިރު، މާފަރު އެއާޕޯޓުން 514 ފަތުރުވެރިން ވަނީ އެތެރެވެފައެވެ. ޖެޓުތައް ގިނައިން ޖައްސާ މާފަރު އެއާޕޯޓަށް މި ސީޒަނުގައި މިހާތަނަށް 200 އަށްވުރެ ގިނަ ޖެޓު ޖައްސާފައިވާއިރު، ސީޒަން ނިމޭއިރު މި އަދަދު 800 އަށް އަރާނެ ކަމަށް ލަފާކުރެވެއެވެ.
އަބޫދާބީ ފަންޑުގެ އެހީގައި ތަރައްޤީކޮށް 2019 ވަނަ އަހަރު ހުޅުވި މާފަރު އެއާޕޯޓަކީ ބޮޑެތި ބޯޓުފަހަރަށް ޖެއްސޭ ފެންވަރަށް ތަރައްޤީކޮށްފައިވާ ތަނެކެވެ. މިއަހަރުގެ މިހާތަނަށް ރާއްޖެއަށް ޖުމްލަ 129,201 ފަތުރުވެރިން ޒިޔާރަތްކޮށްފައިވާއިރު، މިއީ މިދިޔަ އަހަރާ އަޅާބަލާއިރު 9.9 އިންސައްތައިގެ ކުރިއެރުމެކެވެ. މިވަގުތު ރާއްޖެއަށް އެންމެ ގިނައިން ފަތުރުވެރިން އަންނަނީ ރަޝިއާއިން ކަމަށްވާއިރު، ދުވާލެއްގެ މައްޗަށް އެވްރެޖުކޮށް 7,099 ފަތުރުވެރިން ރާއްޖެއަށް އާދެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0