Read Time:2 Minute, 44 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ދައުލަތަށް ލިބުނު އާމްދަނީ އިތުރުވެ، ޚަރަދުތައް ކުޑަކުރުމުގެ ސަބަބުން 2024 ވަނަ އަހަރާ އަޅާބަލާއިރު 2025 ވަނަ އަހަރުގެ ބަޖެޓު ޑެފިސިޓް 73.5 އިންސައްތަ ނުވަތަ 9.6 ބިލިޔަން ރުފިޔާއިން ދަށްކުރެވިފައިވާކަން މާލީ ވުޒާރާގެ ތަފާސްހިސާބުތަކުން ދައްކައިފިއެވެ. މިދިޔަ އަހަރު ޖުމުލަ އާމްދަނީގެ ގޮތުގައި 39.6 ބިލިޔަން ރުފިޔާ ލިބިފައިވާއިރު، މިއީ ކުރީ އަހަރަށްވުރެ 12.9 އިންސައްތައިގެ ކުރިއެރުމެކެވެ. ހިލޭ އެހީގެ ގޮތުގައި ލިބުނު މިންވަރު އަންދާޒާކުރި ވަރަށްވުރެ ދަށްވި ނަމަވެސް، ޓެކުހާއި ޓެކްސް ނޫން އާމްދަނީ ވަނީ ބަޖެޓުގައި އަންދާޒާކުރި މިންވަރަށްވުރެ 2.0 ބިލިޔަން ރުފިޔާ އިތުރުވެފައެވެ.
މާލީ ރިޕޯޓުތަކުން ދައްކާގޮތުގައި 2024 ވަނަ އަހަރު 13.1 ބިލިޔަން ރުފިޔާގައި ހުރި ޑެފިސިޓް، 2025 ވަނަ އަހަރު ނިމުނުއިރު ވަނީ 3.5 ބިލިޔަން ރުފިޔާއަށް ކުޑަކުރެވިފައެވެ. މީގެ އިތުރުން، ދައުލަތުގެ މާލީ ދެމެހެއްޓެނިވިކަން ވަޒަންކުރާ ޕްރައިމަރީ ބެލެންސް ފުރަތަމަ ފަހަރަށް ވަނީ ސަރޕްލަސްއަކަށް ބަދަލުވެފައެވެ. އެގޮތުން 2024 ވަނަ އަހަރު 8.4 ބިލިޔަން ރުފިޔާގެ ޑެފިސިޓެއްގައި އޮތް ޕްރައިމަރީ ބެލެންސް، 2025 ވަނަ އަހަރު ނިމުނުއިރު ވަނީ 1.2 ބިލިޔަން ރުފިޔާގެ ސަރޕްލަސްއެއްގައި ހިފެހެއްޓިފައެވެ. މިއީ ޚަރަދު ކުޑަކުރުމަށާއި އާމްދަނީ އިތުރުކުރުމަށް ސަރުކާރުން އެޅި ފިޔަވަޅުތަކުގެ ސަބަބުން ލިބުނު ކުރިއެރުމެއް ކަމަށް މާލީ ވުޒާރާއިން ފާހަގަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0