Read Time:1 Minute, 29 Second
މޮރޮކޯގައި ބޭއްވި އެފްރިކަން ކަޕް އޮފް ނޭޝަންސްގެ ފައިނަލުގައި 1-0 އިން މޮރޮކޯ ބަލިކޮށް ސެނެގާލް އިން މުބާރާތުގެ ޗެމްޕިއަންކަން ހޯދައިފިއެވެ. ފޯރިގަދަ ކުޅުމެއް ފެނިގެންދިޔަ މި މެޗުގެ ފުރިހަމަ ވަގުތު ހަމަވިއިރު އެއްވެސް ޓީމަކަށް ލަނޑެއް ނުޖެހުމުން ކުޅުނު އިތުރު ވަގުތުގެ ކުރީކޮޅު ސެނެގާލްގެ ޕާޕޭ ގުއޭ ވަނީ ލަނޑެއް ޖަހާ އެޓީމަށް ކުރި ހޯދައިދީފައެވެ. މެޗުގެ ފަހުކޮޅު މޮރޮކޯއަށް ޕެނަލްޓީއެއް ލިބުމާ ގުޅިގެން ދަނޑުމަތީގައި ބޮޑު ހަމަނުޖެހުމެއް ހިނގައި މެޗު މެދުކަނޑާލަން ޖެހުނު ނަމަވެސް، މޮރޮކޯގެ ބްރާހިމް ޑިއާޒް ފޮނުވާލި ޕެނަލްޓީ ސެނެގާލްގެ ކީޕަރު އެޑުއާޑޮ މެންޑީ ވަނީ ދިފާއުކޮށްފައެވެ. މިއީ ފާއިތުވި ފަސް އަހަރު ތެރޭގައި ސެނެގާލް އިން މި މުބާރާތް ކާމިޔާބުކުރި ދެވަނަ ފަހަރެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
100 %
0
0