Read Time:2 Minute, 57 Second
(ފޮޓޯ ކްރެޑިޓްސް: ހައުސިންގ މިނިސްޓްރީ)
ސަރުކާރުގެ “ހިޔާވަހި” ޕޯޓަލް މެދުވެރިކޮށް ފްލެޓާއި ގޯއްޗަށް ކުރިމަތިލާ ފަރާތްތަކަށް، ފޯމު ހުށަހެޅުމާއެކު ލިބޭ ޕޮއިންޓުގެ ތަފްސީލް ވަގުތުން އެނގޭނެ ކަމަށް ވަޒީރު ޑރ. އަބްދުﷲ މުއްތަލިބު ވިދާޅުވެއްޖެއެވެ. މި ފަހަރުގެ ސްކީމުގައި މާލެ ސަރަހައްދުން 15,000 ގޯއްޗާއި 7,900 ފްލެޓަށް ހުޅުވާލާފައިވާއިރު، ކުރިމަތިލެވޭނީ ކޮންމެވެސް އެއް ސްކީމަކަށެވެ. މީގެ އިތުރުން މީގެ ކުރިން ބޯހިޔާވަހިކަން ލިބޭނެ ކަމުގެ ލިޔުން ލިބި، ފްލެޓް ނުލިބި ތިބި މީހުންނަށްވެސް މި ޕޯޓަލް މެދުވެރިކޮށް ކުރިމަތިލުމުގެ ފުރުސަތު ވަނީ ހުޅުވާލާފައެވެ.
“ބޯހިޔާވަހިކަން އެންމެންނަށް” ސިޔާސަތުގެ ދަށުން ކުރިއަށް ގެންދާ “ޢާއިލީ ބޯހިޔާވަހިކަން” ޕްރޮގްރާމުން ދޫކުރުމަށް ހަމަޖެހިފައިވާ ފުލެޓާއި ބިމަށް އެދި އެޕްލިކޭޝަން ހުށަހެޅުމަށް މިހާރުވަނީ ހުޅުވާލެވިފައި
އެޕްލިކޭޝަން ހުށަހެޅުން: https://t.co/RmhurERkNa #BoahiyaavahikanEmmennah… pic.twitter.com/UBwQ3W9Mq2
— Ministry of Construction, Housing & Infrastructure (@MoCImv) January 18, 2026
ވަޒީރު އިތުރަށް ވިދާޅުވީ، ފޯމު ހުށަހެޅުމުގައި ސައްހަ މައުލޫމާތު ދިނުމަކީ ވަރަށް މުހިންމު ކަމެއް ކަމަށާއި، ހުށަހަޅާ މައުލޫމާތުތައް ސަރުކާރުން ވަރަށް ބޮޑަށް ކަށަވަރު ކުރާނެ ކަމަށެވެ. އަދި އަވަސް އަރުވާލައިގެން ފޯމު ހުށަހެޅުމުގެ ބަދަލުގައި، ލިޔެކިޔުންތައް ހަމަކޮށްގެން ފޯމު ފުރުމަށް ވަޒީރު އިލްތިމާސް ކުރެއްވިއެވެ. ގޯއްޗަށް އެދުމުގެ ސުންގަޑިއަކީ އަންނަ މާރިޗު 4 އެވެ. އަދި ފްލެޓަށް އެދުމުގެ ސުންގަޑިއަކީ އޭޕްރީލް 17 އެވެ. ފޯމުތައް ބަލައިގަތުމަށްފަހު، ވަގުތީ ލިސްޓު ނެރޭނީ ހުށަހަޅާ މައުލޫމާތުގެ ސައްހަކަން ބެލުމަށްފަހުގައެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0