Read Time:2 Minute, 55 Second
(ފޮޓޯ ކްރެޑިޓްސް: ދަ މޯލްޑިވްސް ޖާރނަލް)
ސަރުކާރުގެ “ބޯހިޔާވަހިކަން އެންމެނަށް” ސިޔާސަތުގެ ދަށުން ގޯއްޗާއި ފްލެޓަށް ކުރިމަތިލުމުގެ ފުރުސަތު ހުޅުވާލައިފިއެވެ. މި ސްކީމުގެ ދަށުން ގޯއްޗަށް އެދުމުގެ ސުންގަޑިއަކީ މާރިޗު 4 އެވެ. އަދި ފްލެޓަށް އެދުމުގެ ސުންގަޑިއަކީ އޭޕްރީލް 17 އެވެ. މި މަޝްރޫޢުގެ ދަށުން މާލެ ސަރަޙައްދާއި ރަސްމާލެ ހިމެނޭހެން 15,000 ގޯއްޗާއި 7,900 ފްލެޓް ދޫކުރުމަށް ވަނީ ނިންމާފައެވެ. މީގެ ތެރޭގައި މާލޭގެ ރަށްވެހިންނާއި، މާލޭގައި ދިރިއުޅޭ އެހެން ރަށްރަށުގެ މީހުންނާއި، ޚާއްޞަ އިސްކަންދޭ ކެޓަގަރީތަކުގެ އިތުރުން ޓެކްސީ ޑްރައިވަރުންނާއި މަސްވެރިންނާއި ފަތުރުވެރިކަމުގެ ދާއިރާގައި މަސައްކަތްކުރާ ފަރާތްތަކަށް ވަކި ކޯޓާތަކެއް ވަނީ ކަނޑައަޅާފައެވެ.
“ބޯހިޔާވަހިކަން އެންމެންނަށް” ސިޔާސަތުގެ ދަށުން ކުރިއަށް ގެންދާ “ޢާއިލީ ބޯހިޔާވަހިކަން” ޕްރޮގްރާމުން ދޫކުރުމަށް ހަމަޖެހިފައިވާ ފުލެޓާއި ބިމަށް އެދި އެޕްލިކޭޝަން ހުށަހެޅުމަށް މިހާރުވަނީ ހުޅުވާލެވިފައި
އެޕްލިކޭޝަން ހުށަހެޅުން: https://t.co/RmhurERkNa #BoahiyaavahikanEmmennah… pic.twitter.com/UBwQ3W9Mq2
— Ministry of Construction, Housing & Infrastructure (@MoCImv) January 18, 2026
ފޯމު ހުށަހަޅަންޖެހެނީ “ހިޔާވެހި ޕޯޓަލް” މެދުވެރިކޮށް އޮންލައިންކޮށެވެ. މި ސްކީމަށް ކުރިމަތިލެވޭނީ މާލޭގައި ދިރިއުޅޭތާ 15 އަހަރުވެފައިވާ ފަރާތްތަކަށެވެ. މާކްސް ދިނުމުގައި އެންމެ ބޮޑު އިސްކަމެއް ދޭނީ މީހާގެ އާމްދަނީއަށާއި ދިރިއުޅުމުގެ ޙާލަތަށެވެ. ގެދޮރުވެރިކަމާ ބެހޭ ވުޒާރާއިން ވިދާޅުވި ގޮތުގައި، ފޯމުތައް އިވެލުއޭޓްކޮށް ނިމުމުން މި ދައުރުގެ ތެރޭގައި ގޯއްޗާއި ފްލެޓްތައް ހަވާލުކުރަން ފަށާނެއެވެ.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %
0
0