Read Time:1 Minute, 57 Second
(ފޮޓޯ ކްރެޑިޓްސް: ރައީސް އޮފީސް)
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، “މޯލްޑިވްސް ނޭޝަނަލް އެންޓި ޑޯޕިންގ އެޖެންސީ” އުފައްދަވައި، އެ އިދާރާއަކީ މިނިވަން ބޯޑެއްގެ ދަށުން ހިންގާ މުއައްސަސާއެއްގެ ގޮތުގައި ކަނޑައަޅުއްވައިފިއެވެ. ކުޅިވަރުގެ ގާނޫނަށް ގެނައި އިސްލާހުގެ ދަށުން އުފެއްދި މި އެޖެންސީގެ މައިގަނޑު މަގްސަދަކީ ކުޅިވަރުގެ މައިދާނުގައި މަނާ ބޭސް ބޭނުންކުރުން ހުއްޓުވައި، އެންމެހާ އެތުލީޓުންނަށް ހަމަހަމަ ފުރުސަތުތަކެއް ކަށަވަރުކޮށްދިނުމެވެ.
މީގެ ކުރިން ކުޅިވަރު ވުޒާރާގެ ދަށުން ހިންގަމުން އައި މި މަސައްކަތް މިނިވަން ބޯޑެއްގެ ދަށަށް ބަދަލުވުމުން، ސަރުކާރުގެ ނުފޫޒެއް ނެތި ބައިނަލްއަގުވާމީ “ވާޑާ” ކޯޑާއި ޔުނެސްކޯ ކޮންވެންޝަނާ އެއްގޮތަށް ރާއްޖޭގެ ކުޅިވަރުގެ ކަންކަން ބައްޓަންކުރުމަށް މަގުފަހިވެގެންދާނެއެވެ. މިއީ ރާއްޖެއިން 2010 ވަނަ އަހަރު ސޮއިކޮށްފައިވާ ބައިނަލްއަގުވާމީ މުއާހަދާތަކާ އެއްގޮތަށް، ކުޅިވަރުގެ އިންސާފުވެރިކަން ދެމެހެއްޓުމަށް އެޅުނު މުހިންމު ފިޔަވަޅެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0