Read Time:2 Minute, 16 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ދިރާގު ދިވެހި ޕްރިމިއަރ ލީގުގައި ބުރު ސްޕޯޓްސް ކުލަބުގެ އަމާޒަކީ ގަދަ ތިނެއްގެ ތެރޭގައި ހިމެނުން ކަމަށާއި، ކޮންމެ މެޗަކަށްވެސް ނުކުންނަނީ މޮޅުވުމުގެ ރޫހުގައި ކަމަށް އެޓީމުގެ ކޯޗު މުޙައްމަދު ނިޒާމް (ނިޒާމްބެ) ބުނެފިއެވެ. ކުލަބު ގްރީން ސްޓްރީޓްސް އަތުން 3-1 އިން މޮޅުވި މެޗަށްފަހު ވާހަކަދައްކަމުން ނިޒާމްބެ ފާހަގަކުރީ ވަކި ޓީމަކަށް ޓާގެޓް ކުރުމުގެ ބަދަލުގައި، ކުޅުންތެރިންގެ ކިބައިގައި މޮޅުވުމުގެ ވިސްނުން އަށަގެންނެވުމަށް ބޮޑު އިސްކަމެއް ދޭ ކަމަށެވެ.
ލީގު ތާވަލުގެ ހަތަރުވަނައިގައި މިވަގުތު އޮތް ބުރުން އެންމެ ބޮޑު ސަމާލުކަމެއް ދެނީ ކުޅުންތެރިންނަށް އަނިޔާނުވެ ސީޒަން ނިންމާލުމަށެވެ. ގިނަ ދުވަސްތަކެއް ވަންދެން ކުޅުމާ ދުރުގައި ތިބުމަށްފަހު ސީޒަނާ ކުރިމަތިލުމުން އަނިޔާގެ ބިރު އޮތް ނަމަވެސް، މިހާތަނަށް ޓީމުގެ ފިޓްނަސް ރަނގަޅު ކަމަށް ކޯޗު ބުންޏެވެ. އަދި ޓީމުގެ މުހިންމު ކުޅުންތެރިން ފިޓްވަމުން އައުމަކީ ލިބޭ ބޮޑު ހިތްވަރެއްގެ ގޮތުގައި އޭނާ ސިފަކުރިއެވެ. ކުރިއަށް އޮތް ވިކްޓްރީ މެޗަކީ އުނދަގޫ “ޓެކްޓިކަލް” ހަނގުރާމައަކަށް ވާނެތީ، އެ މެޗަށް ވަރަށް ބޮޑަށް ތައްޔާރުވާނެ ކަމަށްވެސް ނިޒާމްބެ ބުންޏެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0