Read Time:1 Minute, 52 Second
ސައުތު އޭޝިއަން ފުޓްސަލް ޗެމްޕިއަންޝިޕުގައި ރާއްޖޭގެ އަންހެން ޤައުމީ ފުޓްސަލް ޓީމު ކުޅޭ ފުރަތަމަ މެޗުގައި މިއަދު މެންދުރު 12:00 ގައި އިންޑިއާއާ ދެކޮޅަށް ނުކުންނާނެއެވެ. މިއީ ބައިނަލްއަގްވާމީ މައިދާނުގައި ރާއްޖޭގެ އަންހެން ފުޓްސަލް ޓީމު ވާދަކުރާ ފުރަތަމަ ފަހަރެވެ. ރާއްޖޭގައި އިންޑޯ ޕިޗެއް ނެތުމުގެ ގޮންޖެހުން އޮތް ނަމަވެސް، ތައިލެންޑުގައި ކުރި ފަރިތަކުރުންތަކާއެކު ޓީމު އޮތީ މެޗަށް ތައްޔާރަށެވެ. ކޯޗު އާތިފް މުހައްމަދު ފާހަގަކުރި ގޮތުގައި ކުޅުންތެރިން މިހާރު ވަނީ އިންޑޯ ޕިޗަށް ހޭނިފައެވެ.
މި މެޗުގައި ރާއްޖެއާ ދެކޮޅަށް ނުކުންނަ އިންޑިއާއަކީ ބައިނަލްއަގްވާމީ ތަޖުރިބާ ލިބިފައިވާ، ވަރުގަދަ ޒުވާން ޓީމެކެވެ. އިންޑިއާގެ އަމާޒަކީ މި މުބާރާތުގެ ތަށި ހޯދުމެވެ. ތައިލެންޑުގައި މި މަހުގެ 27 ގެ ނިޔަލަށް ކުރިއަށްދާ މި މުބާރާތަކީ ސަރަހައްދީ ފުޓްސަލްގެ ފެންވަރު ވަޒަންކޮށްލަން ލިބޭ ރަނގަޅު ފުރުސަތެކެވެ. މުބާރާތުގައި ޖުމްލަ ހަތް ގައުމަކުން ވާދަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0