Read Time:1 Minute, 43 Second
ސްޓެލްކޯގެ މެނޭޖިން ޑިރެކްޓަރު އަހުމަދު ޝަމާހު ރަޝީދު މިއަދު ކުއްލި ގޮތަކަށް މަގާމުން ވަކިކޮށް، އެ ކުންފުނި ހިންގުން ޑެޕިއުޓީ މެނޭޖިން ޑިރެކްޓަރު ޑރ. އަލީ އަޒުވަރާ ވަގުތީ ގޮތުން ވަނީ ހަވާލުކޮށްފައެވެ. ޝަމާހު މަގާމުން ވަކިކުރި ސަބަބު ހާމަކޮށްފައި ނުވާއިރު، އޭނާ ވަކިކުރިތާ ކުޑަވަގުތުކޮޅެއްގެ ތެރޭގައި އެ ކުންފުނީގެ ޕްރޮކިއުމަންޓް ހެޑް އަޒްހަދު ރަމީޒު ވެސް ވަނީ މަގާމުގެ ޒިންމާތަކުން ދުރުކޮށްފައެވެ.
މި ބަދަލުތައް އައިސްފައިވަނީ ސްޓެލްކޯ މެދުވެރިކޮށް ނާޖާއިޒު މަންފާ ހޯދާ ކަމަށް ބުނާ ޝަމާހުގެ އޯޑިއޯއެއް ލީކުވެފައިވާ ދަނޑިވަޅެއްގައެވެ. ޝަމާހަކީ މި ސަރުކާރުން ސްޓެލްކޯގެ އެމްޑީގެ މަގާމުން ވަކިކުރި ދެވަނަ ބޭފުޅާއެވެ. މީގެ ކުރިން އޭނާ މިފްކޯގެ އެމްޑީގެ މަގާމުގައި ހުންނަވަނިކޮށް، ހިންގުމުގެ މައްސަލަތަކަކާ ގުޅިގެން ސަސްޕެންޑް ކުރުމަށްފަހު ވަނީ މަގާމުން ވަކިކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0