Read Time:1 Minute, 45 Second
(ފޮޓޯ ކްރެޑީޓްސް: ޒިންހުއާ)
ޕެންޝަން ފަންޑުން ޙައްޖަށް ދެވޭނެ އިންތިޒާމު ހަމަޖެއްސުމަށްޓަކައި ޕެންޝަނާ ބެހޭ ޤާނޫނަށް އިސްލާޙު ހުށަހަޅައިފިއެވެ. ސަރުކާރުގެ ފަރާތުން ހުށަހެޅި މި އިސްލާޙުގައިވާ ގޮތުން، ޙައްޖަށް ދާން ދައްކަންޖެހޭ އަގުގެ 20 އިންސައްތަ އަމިއްލައަށް ދެއްކުމުން، ބާކީ 80 އިންސައްތަ ޕެންޝަން އެކައުންޓުން ދެއްކޭނެއެވެ. މި ފުރުޞަތު ލިބޭނީ އަލަށް ޙައްޖަށްދާ ފަރާތްތަކުގެ ތެރެއިން، ރިޓަޔަރމަންޓް ޕެންޝަންގެ ގޮތުގައި މަހަކު 2000 ރުފިޔާ ލިބޭވަރަށް ފަންޑުގައި ފައިސާ ހުރި މީހުންނަށެވެ. އަދި ގެދޮރު ގަތުމަށް ޕެންޝަން ފައިސާ ބޭނުންކޮށްފައިވާނަމަ، ޙައްޖަށް ފައިސާ ދޫކުރާނީ އެ ބައި އުނިކުރުމަށްފަހުގައެވެ. މީގެ އިތުރުން، ޢުމުރުން 65 އަހަރު ފުރިފައިވާ މީހުންނަށްވެސް މި އުސޫލުން ޙައްޖަށް ދެވޭނެ ގޮތް ވަނީ ހިމަނާފައެވެ. މި ބިލުގެ ބަހުސް ކުރިއަށް އޮތް ހޯމަ ދުވަހު މަޖިލީހުގައި ފެށުމަށް ވަނީ ތާވަލުކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0